Sampath Nandi| సీటీమార్ డైరెక్ట‌ర్ తో చిరంజీవి సినిమా..?

టాలీవుడ్ (TOLLYWOOD) డైరెక్ట‌ర్ సంప‌త్ నంది (Sampath Nandi) సీటీమార్ సినిమాతో మ‌ళ్లీ ట్రాక్ పైకి వ‌చ్చాడు. ఇంత‌కీ విష‌యమేంటంటే మెగాస్టార్ చిరంజీవి (Chiranjeevi)తో సంప‌త్ నంది సినిమా చేయ‌బోతుండ‌టం.

September 13, 2021 / 03:25 PM IST

Sampath Nandi| సీటీమార్ డైరెక్ట‌ర్ తో చిరంజీవి సినిమా..?

టాలీవుడ్ (TOLLYWOOD) డైరెక్ట‌ర్ సంప‌త్ నంది (Sampath Nandi) సీటీమార్ సినిమాతో మ‌ళ్లీ ట్రాక్ పైకి వ‌చ్చాడు. ఈ యువ ద‌ర్శ‌కుడికి సంబంధించిన ఆస‌క్తిక‌ర అప్ డేట్ ఒక‌టి ఫిలింన‌గ‌ర్ లో చ‌క్క‌ర్లు కొడుతోంది. ఇంత‌కీ విష‌యమేంటంటే మెగాస్టార్ చిరంజీవి (Chiranjeevi)తో సంప‌త్ నంది సినిమా చేయ‌బోతుండ‌టం. అవును ఈ క్రేజీ గాసిప్ ఇపుడు టాలీవుడ్ లో టాక్ ఆఫ్ ది టౌన్ గా మారింది. ర‌చ్చ సినిమా నుండే సంప‌త్ నంది తో సినిమా చేయాల‌ని చిరు ఆస‌క్తి క‌న‌బ‌రిచాడ‌ని ఇప్ప‌టివ‌ర‌కున్న టాక్.

కాగా ఇపుడు సీటీమార్ స‌క్సెస్ త‌ర్వాత సంప‌త్ కు చిరు సినిమా చేస్తాన‌ని చెప్ప‌డం, దీంతో సంప‌త్ కూడా స్టోరీ లైన్ పై ప‌నిచేస్తుండ‌టం వెంట వెంట‌నే జ‌రిగిపోతున్నాయ‌న్న వార్త ఇపుడు ఆస‌క్తిక‌రంగా మారింది. ప్ర‌స్తుతం చిరంజీవి సినిమా కోసం స్క్రిప్ట్ వ‌ర్క్ లో బిజీగా ఉన్నాడ‌ని టాక్‌. కొంత‌కాలంగా చిరంజీవి రీమేక్ ప్రాజెక్టుల‌పై ఫోక‌స్ పెట్టాడు. అయితే సంప‌త్ నంది విష‌యంలో మాత్రం స్క్రిప్ట్ వ‌ర్క్ ఆధారంగా సినిమాపై చిరంజీవి ఓ అంచ‌నాకు రానున్న‌ట్టు తెలుస్తోంది. ఒక‌వేళ చిరును క‌థ ఇంప్రెస్ చేసిన‌ట్టైతే సంప‌త్ నంది జాక్ పాట్ కొట్టేసిన‌ట్టేన‌ని అంతా అనుకుంటున్నారు.

గౌత‌మ్ నందా సినిమా వ‌చ్చిన 4 ఏండ్ల త‌ర్వాత స‌రైన విజ‌యాన్ని అందుకున్నాడు సంప‌త్ నంది. మ‌రి ఈ యువ ద‌ర్శ‌కుడు మెగాస్టార్ ను డైరెక్ట్ చేసే అద్బుత‌మైన అవ‌కాశాన్ని కొట్టేస్తాడా..? లేదా..? అన్న‌ది కొంత కాలం ఆగితే తెలుస్తుంది. ప్ర‌స్తుతం లూసిఫ‌ర్ రీమేక్ షూటింగ్ తో బిజీగా ఉన్నాడు చిరు. దీంతోపాటు మెహ‌ర్ ర‌మేశ్ డైరెక్ష‌న్ లో వేదాళ‌మ్ రీమేక్‌, బాబీతో మ‌రో సినిమా చేస్తున్నాడు.