Oscars Nominations | సినీరంగంలో అత్యంత ప్రతిష్టాత్మకంగా భావించే అవార్డుల్లో ఆస్కార్ తొలిస్థానంలో ఉంటుంది. ఈ అవార్డును జీవితంలో ఒక్కసారైనా తాకాలని ఎంతో మంది నటీనటులు, టెక్నీషియన్లు ఆశ పడుతుంటారు. అయితే ఈ ఏడాది నిర్వహించే ఆస్కార్ అవార్డుల వేడుకకు సంబంధించి ఓటింగ్ ప్రక్రియ ప్రారంభమైంది. ఇక 96వ ఆస్కార్ వేడుకలు లాస్ ఏంజిల్స్లోని డాల్బి థియేటర్లో మార్చి 10న గ్రాండ్గా జరుగునున్నాయి. దీనికి సంబంధించిన ఓటింగ్ ప్రక్రియను శుక్రవారం మొదలుపెట్టినట్లు ఆస్కార్ అకాడమీ నిర్వహాకులు వెల్లడించారు. జనవరి 12న మొదలైన ఈ ఓటింగ్ జనవరి 16 సాయత్రం 5 గంటల వరకు సాగుతుంది.
ఇక ఈ అకాడమీలో పదివేల మందికి పైగా సభ్యులు ఉండగా.. వారికి కేటాయించిన విభాగాల్లో ఓటు వేయనున్నారు. అయితే గత ఏడాది ఆస్కార్ అకాడమీ సభ్యులుగా చోటు దక్కించుకున్న టాలీవుడ్ యాక్టర్స్ జూనియర్ ఎన్టీఆర్, రామ్ చరణ్ లు తమ ఓటును వినియోగించుకోనున్నట్లు తెలుస్తుంది.
Voting for #Oscars nominations has officially begun.
Oscar nominations will be announced on Tuesday, January 23rd. pic.twitter.com/yEh0jPezPW
— The Academy (@TheAcademy) January 11, 2024
ప్రతిష్టాత్మక ఆస్కార్ అకాడమీలో కొత్త సభ్యులుగా జూనియర్ ఎన్టీఆర్, మెగా పవర్ స్టార్ రామ్ చరణ్ లు గత ఏడాది స్థానం సంపాదించుకున్న విషయం తెలిసిందే. ఇక రామ్ చరణ్ ప్రస్తుతం ‘గేమ్ ఛేంజర్’లో నటిస్తున్నారు. ఆర్సీ15గా తెరకెక్కుతున్న ఈ చిత్రానికి స్టార్ డైరెక్టర్ శంకర్ (Shankar) దర్శకత్వం వహిస్తున్నాడు. బాలీవుడ్ భామ కియారా అద్వానీ ఫీమేల్ లీడ్ రోల్లో నటిస్తోంది. మరోవైపు ఎన్టీఆర్ ప్రస్తుతం ‘దేవర’ చిత్రంలో నటిస్తున్నారు. ఈ ఏడాది ఏప్రిల్ 5న ప్రేక్షకుల ముందుకురానుంది.