Vijay Sethupathi | తలైవా మూవీలో మక్కల్ సెల్వన్: ‘జైలర్ 2’లో తన పాత్రపై క్లారిటీ ఇచ్చిన విజయ్ సేతుపతి

Jailer 2 | సూపర్ స్టార్ రజనీకాంత్ హీరోగా, దర్శకుడు నెల్సన్ దిలీప్ కుమార్ తెరకెక్కిస్తున్న అత్యంత ప్రతిష్టాత్మక చిత్రం ‘జైలర్ 2’ (Jailer 2) నుంచి ఒక క్రేజీ అప్‌డేట్ బ‌య‌ట‌కు వ‌చ్చింది.

సూపర్ స్టార్ రజనీకాంత్ హీరోగా, దర్శకుడు నెల్సన్ దిలీప్ కుమార్ తెరకెక్కిస్తున్న అత్యంత ప్రతిష్టాత్మక చిత్రం ‘జైలర్ 2’ (Jailer 2) నుంచి ఒక క్రేజీ అప్‌డేట్ బ‌య‌ట‌కు వ‌చ్చింది. ఈ సీక్వెల్‌లో త‌మిళ‌ నటుడు విజయ్ సేతుపతి నటిస్తున్నారంటూ గత కొద్దిరోజులుగా వార్త‌లు వ‌స్తున్న విష‌యం తెలిసిందే. ఈ వార్త‌ల‌ను ఆయనే స్వయంగా ధృవీకరించారు. ‘ది హాలీవుడ్ రిపోర్టర్ ఇండియా’కు ఇచ్చిన తాజా ఇంటర్వ్యూలో తాను ఈ చిత్రంలో ఒక కీలక అతిథి పాత్ర (Cameo) పోషిస్తున్నట్లు వెల్లడించారు.

రజనీకాంత్ అంటే తనకు ఉన్న అపారమైన అభిమానం వల్లే ఈ ప్రాజెక్ట్‌లో భాగమైనట్లు విజయ్ సేతుపతి పేర్కొన్నారు. “రజనీ సార్‌తో కలిసి పని చేయడం వల్ల ఎంతో నేర్చుకోవచ్చు. దశాబ్దాలుగా ఇండస్ట్రీలో సూపర్ స్టార్‌గా కొనసాగుతున్న ఆయన అనుభవం నుంచి నేర్చుకోవాల్సినవి చాలా ఉన్నాయి. ఆయనతో కలిసి స్క్రీన్ షేర్ చేసుకోవడం కోసమే ఈ పాత్రను అంగీకరించాను” అని ఆయన తెలిపారు. గతంలో వీరిద్దరూ కలిసి ‘పెట్టా’ చిత్రంలో నటించిన సంగతి తెలిసిందే. ‘జైలర్ 2’లో విజయ్ సేతుపతి పాత్ర పవర్‌ఫుల్ పోలీస్ ఆఫీసర్‌గా ఉంటుందని ఫిలిం నగర్ టాక్.

సన్ పిక్చర్స్ నిర్మిస్తున్న ఈ చిత్రంలో ఇప్పటికే శివరాజ్ కుమార్, మోహన్ లాల్, ఎస్‌జే సూర్య, మిథున్ చక్రవర్తి వంటి దిగ్గజ నటులు భాగమైనట్లు సమాచారం. అనిరుధ్ రవిచందర్ సంగీతం అందిస్తున్న ఈ భారీ మల్టీస్టారర్ చిత్రాన్ని 2026 జూన్ 12న ప్రపంచవ్యాప్తంగా విడుదల చేసేందుకు మేకర్స్ ప్లాన్ చేస్తున్నారు. ముత్తువేల్ పాండియన్ పాత్రలో రజనీకాంత్ మళ్ళీ ఏ రేంజ్‌లో గర్జించబోతున్నారో అని అభిమానులు వెయ్యి కళ్ళతో ఎదురుచూస్తున్నారు.

Vijay Sethupathi cameo in #Jailer2 🥵 pic.twitter.com/gusC7cPjAx

— OTT Trackers (@OTT_Trackers) January 15, 2026