ఆర్య 3 లో అల్లు అర్జున్ ఉండ‌డా? సుకుమార్ ఎవ‌రికి ఛాన్స్ ఇస్తున్నాడో తెలుసా

aarya 3 | సినీ ఇండస్ట్రీలో కొన్ని కాంబినేష‌న్‌లు అలా సెట్ అయిపోయి ఉంటాయి. ఆ కాంబినేష‌న్‌లో సినిమా వ‌స్తుందంటే అభిమానులు కూడా ఎదురుచూస్తుంటారు. టాలీవుడ్‌లో అల్లు అర్జున్‌, సుకుమార్ కాంబినేష‌న్ కూడా అలాంటిదే. వీరిద్ద‌రి కాంబినేష‌న్‌లో వ‌చ్చిన ఆర్య సినిమా బ్లాక్ బ‌స్ట‌ర్‌గా నిలిచింది. తొలి సినిమాతోనే సుకుమార్ అంద‌రి దృష్టిని ఆక‌ర్షించాడు. ఆ త‌ర్వాత వీరిద్ద‌రి కాంబినేష‌న్‌లో ఆర్య 2 వ‌చ్చింది. ఈ సినిమా కూడా బాగుంద‌నే టాక్ వ‌చ్చిన‌ప్ప‌టికీ.. ఆర్య స్థాయిలో ఆక‌ట్టుకోలేక‌పోయింది. కానీ ఈ సినిమాకు దేవీ శ్రీ ప్రసాద్ అందించిన‌ పాటలు సూప‌ర్ హిట్ అయ్యాయి. ఇప్ప‌టికీ ఫ్యాన్స్‌ ఈ పాట‌ల‌ను వింటూనే ఉంటారు. ఇప్పుడు ఆర్య 3 కూడా రాబోతోంది. అయితే ఆర్య 3 లో అల్లు అర్జున్‌ ఉండడని తెలుస్తోంది. బన్నీ స్థానంలో సుకుమార్‌ టాలీవుడ్‌ క్రేజీ హీరోను తీసుకోబోతున్నాడని గుస‌గుస‌లు వినిపిస్తున్నాయి.

ప్ర‌స్తుతం సుకుమార్‌, అల్లు అర్జున్ కాంబినేష‌న్‌లో పుష్ప సినిమా రెండు భాగాలుగా తెర‌కెక్కుతుంది. ర‌ష్మిక మంధ‌న ఈ సినిమాలో హీరోయిన్‌గా న‌టిస్తోంది. ఈ సినిమా మొద‌టి భాగం పుష్ప ది రైజ్ సినిమా డిసెంబ‌ర్ 17న విడుద‌ల కానుంది. ఈ క్ర‌మంలో తాజాగా అభిమానుల‌తో సుకుమార్ చిట్ చాట్ జరిపాడు. అందులో ఒక అభిమాని ఆర్య 3 ఉంటుందా అని అడిగాడు. దీనికి బ‌దులిచ్చిన సుకుమార్ క‌చ్చితంగా ఉంటుంద‌ని చెప్పాడు. దీంతో పుష్ప త‌ర్వాత సుకుమార్ తెర‌కెక్కించే సినిమా ఆర్య 3నే అని ప్ర‌చారం జ‌రుగుతుంది. ఈ క్ర‌మంలోనే మ‌రో వార్త వినిపిస్తుంది. అదేంటంటే.. పుష్ప త‌ర్వాత విజ‌య్ దేవ‌ర‌కొండ‌తో ఒక సినిమా చేస్తాన‌ని అప్ప‌ట్లో సుకుమార్ ప్ర‌క‌టించాడు. దీంతో ఆర్య 3 విజ‌య్ దేవ‌ర‌కొండ తోనే ఉండొచ్చ‌ని ఊహాగానాలు వినిపిస్తున్నాయి.

లోక‌ల్ టు గ్లోబ‌ల్ వార్త‌ల కోసం.. న‌మ‌స్తే తెలంగాణ ఫేస్‌బుక్‌, ట్విట‌ర్ పేజీల‌ను ఫాలో అవ్వండి

ఇవి కూడా చ‌ద‌వండి..

ఆ విష‌యంలో ప‌వ‌న్ క‌ళ్యాణ్ త‌ర్వాత విజ‌య్ దేవ‌ర‌కొండ‌నే.. దిల్ రాజు ఆస‌క్తిక‌ర వ్యాఖ్య‌లు

Vijay Devarakonda: విజ‌య్ దేవ‌ర‌కొండ టీ ష‌ర్ట్ ధ‌ర తెలిస్తే నోరెళ్ల‌పెట్టాల్సిందే..!

Allu Arjun: బాల‌య్య సినిమా కోసం బన్నీ అంత‌గా ఎదురు చూస్తున్నాడెందుకు..!

రాజ‌మౌళి చ‌దివింది ఇంట‌రే.. మ‌రి త్రివిక్ర‌మ్‌, క్రిష్‌, సుకుమార్ ఏం చ‌దివారో తెలుసా?

రాజ‌మౌళిని ఫాలో అవుతున్న సుకుమార్..!