Visit:
హీరో విజయ్‌ ఆంటోనీ నటిస్తున్న పవర్‌ఫుల్‌ ఎంటైర్టెనర్‌ ‘భద్రకాళి’. అరుణ్‌ ప్రభు దర్శకుడు. రామాంజనేయులు జవ్వాజీ నిర్మాత. సెప్టెంబర్‌ 19న సినిమా విడుదల కానుంది. ఈ సందర్భంగా మేకర్స్‌ ప్రమోషన్స్‌ని వేగవంతం చేశారు. ఇప్పటికే విడుదలైన టీజర్‌కు మంచి స్పందన లభిస్తున్నదని వారు అన్నారు. ఈ నేపథ్యంలో గురువారం ఈ సినిమా తొలిపాటను విడుదల చేశారు. ‘మారెనా..’ అంటూ సాగిన ఈ ప్రేమగీతాన్ని భాష్యశ్రీ రాయగా, విజయ్‌ ఆంటోనీ స్వరపరిచారు.
అభిజిత్‌ అనిల్‌కుమార్‌ ఆలపించారు. యువతకు నచ్చేలా ఈ పాట చిత్రీకరణ సాగింది. విజయ్‌ ఆంటోనీ ‘మార్గన్‌’ చిత్రాన్ని తెలుగులో విడుదల చేసిన ఏషియన్‌ సురేశ్‌ ఎంటైర్టెన్మెంట్స్‌ ఈ సినిమాను కూడా తెలుగులో విడుదల చేస్తున్నది. వాగై చంద్రశేఖర్‌, సునీల్‌ కృష్ణపాని, సెల్‌ మురుగన్‌, తృప్తి రవీంద్ర, కిరణ్‌, రినీ బాట్‌, రియా జితు, మాస్టర్‌ కేశవ్‌ తదితరులు ఇతర పాత్రలు పోషిస్తున్న ఈ చిత్రానికి కెమెరా: షెల్లీ కాలిస్ట్‌, సమర్పణ: విజయ్‌ ఆంటోని ఫిల్మ్‌ కార్పొరేషన్‌, మీరా విజయ్‌ ఆంటోని.
