Vignesh Shivan | చిత్ర పరిశ్రమలో రొమాంటిక్ కపుల్స్లో లేడీ సూపర్ స్టార్ నయనతార (Nayanthara), దర్శకుడు విఘ్నేశ్ శివన్ (Vignesh Shivan) జంట ఒకటి. సుమారు ఏడేండ్లపాటు ప్రేమించుకున్న వీరు పెద్దల అంగీకారంతో గతేడాది జూన్లో వివాహబంధంతో ఒక్కటయ్యారు. కాగా, నేడు నయన్-విఘ్నేశ్ మొదటి వివాహ వార్షికోత్సవం (1st Anniversary) . ఈ సందర్భంగా విఘ్నేశ్ శివన్ సోషల్ మీడియా ద్వారా భార్యకు పెళ్లి రోజు శుభాకాంక్షలు తెలిపారు. ఈ మేరకు ఓ ఎమోషనల్ పోస్ట్ పెట్టారు.
‘నువ్వు నా జీవితంలోకి వచ్చి ఏడాది పూర్తైంది. ఈ ఏడాది ఎన్నో క్షణాలతో నిండిపోయింది. ఎన్నో ఒడుదొడుకులు ఎదుర్కొన్నాం. అనేక ఎత్తుపల్లాలు ఎదురయ్యాయి. ఊహించని ఎదురుదెబ్బలు తగిలాయి. ఎన్నో పరీక్షలు ఎదురయ్యాయి. ఎన్ని కష్టాలు ఎదురైనా ఇంటికి తిరిగొచ్చి నా అందమైన ఫ్యామిలీని చూస్తే.. కోల్పోయిన ఎనర్జీ మొత్తం తిరిగి వస్తుంది. ఫ్యామిలీ ద్వారా వచ్చే కాన్ఫిడెన్స్ వేరే స్థాయిలో ఉంటుంది. కలలు సాకారం చేసుకునే శక్తినిస్తుంది. మన పిల్లలు ఉయిర్, ఉలగమ్లకు మంచి జీవితాన్ని అందించేందుకు ప్రయత్నిస్తాను’ అంటూ పోస్ట్ పెట్టారు. దీంతోపాటు నయన్ తన ఇద్దరి పిల్లల్ని ఎత్తుకుని ఉన్న క్యూట్ ఫొటోలను అభిమానులతో పంచుకున్నారు. ఈ పోస్ట్, ఫొటోలు ప్రస్తుతం వైరల్ అవుతున్నాయి.
సుమారు ఏడేళ్లపాటు ప్రేమలో ఉన్న నయనతార, విఘ్నేశ్ శివన్ పెద్దల అంగీకారంతో గతేడాది జూన్ 9వ తేదీన వివాహబంధంతో ఒక్కటయ్యారు. మహాబలిపురంలోని ఓ రిసార్ట్లో వివాహం చేసుకున్న సంగతి తెలిసిందే. పెళ్లైన 4 నెలలకే సరోగసి పద్ధతి ద్వారా నయన్, విఘ్నేశ్ శివన్ దంపతులు కవల పిల్లలకు తల్లిదండ్రులయ్యారు. పిల్లలకు ఉయిర్ రుద్రోనిల్ ఎన్ శివన్ (Uyir RudroNeel N Shivan), ఉలగ్ దీవిక్ ఎన్ శివన్ (Ulag Daiwik N Shivan) అని నామకరణం కూడా చేశారు. ప్రస్తుతం ఈ జంట ఫ్యామిలీ లైఫ్ను ఎంజాయ్ చేస్తోంది.
Also Read..
Sharad Pawar | శరద్ పవార్కు హత్య బెదిరింపులు.. పోలీసులను ఆశ్రయించిన సుప్రియా సూలే
Samantha | రాష్ట్రపతి ద్రౌపది ముర్ముని కలిసిన సమంత.. పిక్స్ వైరల్
Miss World 2023 | దాదాపు మూడు దశాబ్దాల తర్వాత.. మిస్ వరల్డ్ పోటీలకు వేదికకానున్న భారత్