Venkatesh | నెట్‌ఫ్లిక్స్ జాగ్రత్త.. నాతో మ‌జాక్‌లొద్దు : విక్టరీ వెంకటేష్

VENKATESH RAANANAIDU | వెంకీమామకు నెట్‌ఫ్లిక్స్‌పై కోపంవ‌చ్చింది. నాతో మ‌జాక్‌లొద్దు నెట్‌ఫ్లిక్స్ జాగ్రత్త‌ అంటూ వెంకీమామ గ‌ర‌మ‌య్యాడు. ఈ సంద‌ర్భంగా చేతిలో గ‌న్ ప‌ట్టుకుని వార్నింగ్ ఇస్తున్న వీడియోను సోష‌ల్ మీడియాలో షేర్ చేశాడు.

ద‌గ్గుబాటి వెంక‌టేశ్, రానా ప్రధాన పాత్రల్లో క‌లిసి న‌టిస్తున్న యాక్షన్ క్రైమ్ డ్రామా వెబ్ సిరీస్ ‘రానా నాయుడు’. అమెరిక‌న్ క్రైమ్ డ్రామా సిరీస్ ‘రే డోన‌వ‌న్’ ఆధారంగా తెర‌కెక్కుతున్న.. ఈ వెబ్ సిరీస్ కి సుపర్ణ వర్మ, కరణ్ అన్షుమన్ దర్శకత్వం వహిస్తున్నారు. ఈ సిరీస్ త్వ‌రలో ‘నెట్‌ఫ్లిక్స్‌’లో స్ట్రీమింగ్ కానుంది.
ఈ నేపథ్యంలో నెట్‌ఫ్లిక్స్ ప్రమోషన్స్ ప్రారంభించింది. అయితే ప్రమోషన్స్‌లో భాగంగా రానాకు, నెట్‌ఫ్లిక్స్‌కు వార్నింగ్ ఇస్తున్న‌ట్లు ‘వెంకీమామ’ ట్విట్ట‌ర్‌లో ఓ వీడియోను షేర్ చేశాడు.

చాలా పెద్ద త‌ప్పు చేస్తున్నావు నెట్‌ఫ్లిక్స్‌.. రానా నాయుడులో హీరో ఎవ‌రు? నేను. అందంగా కనిపించేది ఎవరు? నేను. స్టార్ ఎవరు? అది కూడా నేనే. ఫ్యాన్స్ కూడా నా వాళ్లే ఉన్నారు కాబట్టి ఈ షోకి రానా నాయుడు కాదు ‘నాగా నాయుడు’ అని టైటిల్ పెట్టండి. నాతో మ‌జాక్‌లొద్దు.. మజాక్ మజాక్ మే అబ్దుల్ రజాక్ అవుతుంది అని నెట్‌ఫ్లిక్స్‌కి వార్నింగ్ ఇచ్చాడు. అయితే ఈ వీడియో కొద్ది సేపటికే వైరల్‌గా మారింది. కాగా ఈ వీడియోలో వెంకీ లుక్ బాగుందంటూ అభిమానులు కామెంట్లు చేస్తున్నారు.

దీనికి నెట్‌ఫ్లిక్స్ ట్విట్ట‌ర్‌లో స్పందిస్తూ.. ఈ స‌మ‌స్య‌ను ఎలా ప‌రిష్క‌రించ‌గలం అంటూ రానాని ట్యాగ్ చేసింది.

Tera naam bhi meine rakha, show ka naam bhi mein rakhega.#RanaNaidu ki aisi ki taisi. @RanaDaggubati @NetflixIndia pic.twitter.com/R3GYlwZsEl

— Venkatesh Daggubati (@VenkyMama) February 13, 2023