నార‌ప్ప స‌క్సెస్‌మీట్‌లో నోరు జారిన వెంక‌టేశ్‌.. ఎఫ్ 3 విడుద‌ల‌పై క్లారిటీ

సంక్రాంతి బరిలో ఎఫ్ 3 | దసరా బరిలో ఈ సినిమా ఉంది అని కొన్ని రోజులుగా ప్రచారం జరుగుతోంది. అయితే తాజాగా వెంక‌టేశ్ నోరు జార‌డంతో ఎఫ్ 3 విడుద‌ల తేదీపై క‌న్ఫ‌ర్మేష‌న్ వ‌చ్చేసింది. వ‌చ్చే ఏడాది సంక్రాంతికి విడుద‌ల కానుంది.

July 31, 2021 / 05:45 PM IST

నార‌ప్ప స‌క్సెస్‌మీట్‌లో నోరు జారిన వెంక‌టేశ్‌.. ఎఫ్ 3 విడుద‌ల‌పై క్లారిటీ

సినిమా ఇండస్ట్రీలో అన్నింటికంటే ఎక్కువగా నమ్మేది సెంటిమెంట్ ! ఒకసారి కలిసి వస్తే దాన్ని అసలు వదిలిపెట్టరు. ఒకవేళ కలిసిరాకపోతే దాని జోలికి మరోసారి వెళ్లరు. ఇప్పుడు ఎఫ్ 3 సినిమా విషయంలో అనిల్ రావిపూడి కూడా ఇదే చేస్తున్నాడు. ఈ సినిమాను ఆగస్టు 27న విడుదల చేయాలని ముందు అనుకున్నారు. కానీ కరోనా వైరస్ కారణంగా ఆరు నెలలకు పైగా వాయిదా పడింది. ప్రస్తుతానికి షూటింగ్ వేగంగా జరుగుతోంది. వెంకటేశ్, వరుణ్ తేజ్, మెహ్రీన్, తమన్నా అందరూ షూటింగ్‌లో పాల్గొంటున్నారు. ఇదిలా ఉంటే ఈ సినిమా విడుదల తేదీపై మొన్నటి వరకు ఒక కన్ఫ్యూజన్ ఉండేది. ఎప్పుడు విడుదల అవుతుందో తెలియకుండా సస్పెన్స్ మెయింటైన్ చేస్తున్నారు దర్శక నిర్మాతలు. దసరా బరిలో ఈ సినిమా ఉంది అని కొన్ని రోజులుగా ప్రచారం జరుగుతోంది. అయితే తాజాగా వెంక‌టేశ్ నోరు జార‌డంతో ఎఫ్ 3 విడుద‌ల తేదీపై క‌న్ఫ‌ర్మేష‌న్ వ‌చ్చేసింది. వ‌చ్చే ఏడాది సంక్రాంతికి విడుద‌ల కానుంది.

సరిగ్గా మూడేళ్ల కిందట‌ సంక్రాంతికి ఎఫ్ 2 సినిమా వచ్చింది. వినయ విధేయ రామ, దర్బార్, ఎన్టీఆర్ బయోపిక్ లాంటి భారీ సినిమాలతో పోటీపడుతూ అందర్నీ ఓడించి సోలో విన్నర్‌గా నిలిచింది ఎఫ్ 2. ఎంటర్‌టైన్‌మెంట్ ప్రధాన ఆయుధంగా వచ్చిన ఈ సినిమా సంచలన విజయం సాధించింది. దాదాపు 70 కోట్లకు పైగా షేర్ వసూలు చేసింది. ఇప్పుడు కూడా సంక్రాంతి బరిలోనే ఎఫ్ 3 సినిమాను దించుతున్నారు. నారప్ప సక్సెస్ మీట్‌లో వెంకటేశ్‌ ఈ సినిమా గురించి ఓపెన్ అయ్యాడు. పైగా అక్కడే దర్శకుడు అనిల్ రావిపూడి కూడా ఉన్నాడు.

‘ నార‌ప్ప సినిమాను ఓటీటీలో విడుద‌ల చేసినందుకు అభిమానులు క్ష‌మించాలి. ఎఫ్ 3 మాత్రం థియేట‌ర్‌లోనే రిలీజ్ చేస్తాం. పండుగ సీజ‌న్‌లో ఫ‌న్ పంచుతాం. అది మామూలుగా ఉండ‌దంటూ’ చెప్పుకొచ్చాడు. దీంతో వ‌చ్చే సంక్రాంతికే ఈ సినిమా రిలీజ్ కాబోతుంద‌ని క్లారిటీ వ‌చ్చేసింది. 2022 సంక్రాంతికి పవన్ కళ్యాణ్ సినిమా, మహేష్ బాబు సర్కారు వారి పాట, ప్రభాస్ రాధే శ్యామ్ సినిమాలు పోటీ పడుతున్నాయి. వాటితో పాటు ఎఫ్ 3 కూడా దండయాత్రకు సిద్ధమవుతోంది. మరోసారి సైలెంట్ కిల్లర్ గానే బరిలోకి దిగుతుంది ఈ సినిమా.

లోక‌ల్ టు గ్లోబ‌ల్ వార్త‌ల కోసం.. న‌మ‌స్తే తెలంగాణ ఫేస్‌బుక్‌, ట్విట‌ర్ పేజీల‌ను ఫాలో అవ్వండి