సైకో థ్రిల్లర్‌ ‘వేద’

‘ఈ సినిమా మోషన్‌ పోస్టర్‌, టీజర్‌ చాలా బాగుంది. టీజర్‌ చూస్తుంటే సినిమా హిట్‌ గ్యారెంటీ అనే నమ్మకం కలుగుతున్నది. హీరో చేనాగ్‌ స్క్రీన్‌ ప్రజెన్స్‌ ఆకట్టుకునేలా ఉంది. ఈ సినిమా పెద్ద విజయం సాధించాలని కోరుకుంటున్నా’ అన్నారు ప్రముఖ దర్శకుడు సుకుమార్‌. చేనాగ్‌, ప్రాచీ థాకర్‌ జంటగా జేడీ స్వామి దర్శకత్వంలో తెరకెక్కించిన ‘వేద’ చిత్ర టీజర్‌ను శనివారం ఆయన ఆవిష్కరించారు.

‘ఈ సినిమా మోషన్‌ పోస్టర్‌, టీజర్‌ చాలా బాగుంది. టీజర్‌ చూస్తుంటే సినిమా హిట్‌ గ్యారెంటీ అనే నమ్మకం కలుగుతున్నది. హీరో చేనాగ్‌ స్క్రీన్‌ ప్రజెన్స్‌ ఆకట్టుకునేలా ఉంది. ఈ సినిమా పెద్ద విజయం సాధించాలని కోరుకుంటున్నా’ అన్నారు ప్రముఖ దర్శకుడు సుకుమార్‌. చేనాగ్‌, ప్రాచీ థాకర్‌ జంటగా జేడీ స్వామి దర్శకత్వంలో తెరకెక్కించిన ‘వేద’ చిత్ర టీజర్‌ను శనివారం ఆయన ఆవిష్కరించారు. ఈ సందర్భంగా గీత రచయిత చంద్రబోస్‌ మాట్లాడుతూ ‘దర్శకుడు జేడీ నా బాల్య మిత్రుడు. ఇద్దరం కలిసి చదువుకున్నాం. ఈ సినిమాలో నాలుగు పాటలు రాశాను. నా మిత్రుడు పరిశ్రమలో పెద్ద దర్శకుడిగా ఎదగాలని కోరుకుంటున్నా’ అని చెప్పారు. ‘సైకో రొమాంటిక్‌ థ్రిల్లర్‌ చిత్రమిది. ఈ సినిమాలో చూపించే అంశాలు ప్రేక్షకులకు కొత్త అనుభూతినందిస్తాయి’ అని దర్శకుడు పేర్కొన్నారు. ఏడుగురు నిర్మాతల భాగస్వామ్యంలో ఈ సినిమాను రూపొందించామని, ఇన్నోవేటివ్‌ కాన్సెప్ట్‌లో నటించడం ఆనందంగా ఉందని హీరో చేనాగ్‌ తెలిపారు. ఈ చిత్రానికి సంగీతం: అజయ్‌, సాహిత్యం: చంద్రబోస్‌, నిర్మాతలు: జె.సుధాకర్‌, శివ.బి, రాజీవ్‌ కుమార్‌, శ్రీనివాస్‌, రాజేందర్‌ కనుకుంట్ల, శ్రీధర్‌ అక్కినేని, కథ, స్క్రీన్‌ప్లే, దర్శకత్వం: జేడీ స్వామి.