సినిమా విజయంపై నమ్మకంతో ఉన్నా

16ఏళ్ల వాసు అనే కుర్రాడు 55ఏళ్ల ‘మట్కా’ కింగ్‌లా ఎలా మారాడు? అనేది ఈ కథ. మంచి టీమ్‌తో పనిచేసే అవకాశం వచ్చినందుకు ఆనందంగా ఉంది. గొప్ప దర్శకుడు కరుణకుమార్‌. నాలోని నటుడ్ని కొత్తగా చూపించారాయన. సినిమా విజయంపై నమ్మకంతో ఉన్నా. విశాఖపట్టణం అంటే సముద్రం గుర్తుకురావాలి. లేదా వాసుగాడు గుర్తుకురావాలి.

“16ఏళ్ల వాసు అనే కుర్రాడు 55ఏళ్ల ‘మట్కా’ కింగ్‌లా ఎలా మారాడు? అనేది ఈ కథ. మంచి టీమ్‌తో పనిచేసే అవకాశం వచ్చినందుకు ఆనందంగా ఉంది. గొప్ప దర్శకుడు కరుణకుమార్‌. నాలోని నటుడ్ని కొత్తగా చూపించారాయన. సినిమా విజయంపై నమ్మకంతో ఉన్నా. విశాఖపట్టణం అంటే సముద్రం గుర్తుకురావాలి. లేదా వాసుగాడు గుర్తుకురావాలి. ఈ డైలాగ్‌కి తగ్గట్టే సినిమా ఉంటుంది.” అని వరుణ్‌తేజ్‌ అన్నారు. ఆయన హీరోగా రూపొందిన పీరియాడ్‌ యాక్షన్‌ థ్రిల్లర్‌ ‘మట్కా’. మీనాక్షి చౌదరి, నోరా ఫతేహీ కథానాయికలు. కరుణకుమార్‌ దర్శకుడు. డాక్టర్‌ విజయేందర్‌రెడ్డి తీగల, రజనీ తాళ్లూరి నిర్మాతలు. ఈ నెల 14న సినిమా విడుదలకానుంది.

ఈ సందర్భంగా వైజాగ్‌లో ఏర్పాటు చేసిన ప్రీరిలీజ్‌ ఈవెంట్‌లో వరుణ్‌తేజ్‌ మాట్లాడారు. దర్శకుడు కరుణకుమార్‌ మాట్లాడుతూ ‘వైజాగ్‌కు మనకు తెలీని చరిత్ర ఉంది. దాన్ని మీకు చూపించబోతున్నా. వైజాగ్‌ అనేది యారాడకొండ కింద ఉండే చిన్న మత్స్యకార గ్రామం. ఇప్పుడు ప్రపంచపటంలో ఓ సూపర్‌ పవర్‌. ముంబైకీ, వైజాగ్‌కీ దగ్గర పోలికలుంటాయి. ముంబైలో సెటిలర్స్‌ ఎక్కువ. అలాగే వైజాగ్‌లోనూ సెటిలర్స్‌ ఎక్కువ. కానీ వైజాగ్‌లో పుట్టి పెరిగి, వైజాగ్‌ మట్టిగా మారిపోయిన చాలామంది జీవితాలు ఈ జనరేషన్‌కి తెలీదు. ఆ జీవితాలను రీక్రియేట్‌ చేసి చూపించే ప్రయత్నమే ‘మట్కా’. ఒకనాటి వైజాగ్‌ నేరసామాజ్యం కూడా ఇందులో ఉంటుంది. మనిషిలోని మంచీచెడుని డిస్కస్‌ చేసే సినిమాఇది. ఈ సినిమాకు పనిచేసిన ప్రతి ఒక్కరికీ పేరుపేరున ధన్యవాదాలు తెలుపుతున్నా’ అని చెప్పారు. నిర్మాతలుకూడా మాట్లాడారు. యూనిట్‌ మొత్తం ఈ కార్యక్రమంలో పాల్గొన్నారు.