Visit:
Varanasi | టాలీవుడ్ సూపర్ స్టార్ మహేష్ బాబు మరియు దర్శకధీరుడు ఎస్.ఎస్. రాజమౌళి కాంబినేషన్లో తెరకెక్కుతున్న అత్యంత ప్రతిష్టాత్మక చిత్రం ‘వారణాసి’ ప్రస్తుతం భారతీయ సినిమా రంగంలోనే అత్యధిక అంచనాలు పొందుతున్న ప్రాజెక్ట్గా మారింది. ఈ గ్లోబల్ అడ్వెంచర్ మూవీకి సంబంధించిన ప్రతి చిన్న అప్డేట్ కూడా సోషల్ మీడియాలో వైరల్ అవుతోంది. ముఖ్యంగా మహేష్ బాబు, విలన్ పాత్రలో నటిస్తున్న పృథ్వీరాజ్ సుకుమారన్, అలాగే హీరోయిన్ ప్రియాంక చోప్రా వివిధ ఇంటర్వ్యూలలో చెబుతున్న విషయాలు అభిమానుల్లో సినిమాపై మరింత ఆసక్తిని పెంచుతున్నాయి.
ప్రస్తుతం ఈ చిత్రానికి సంబంధించిన షూటింగ్ మంచు కొండల మధ్య జరుగుతోంది. భారీ బడ్జెట్తో తెరకెక్కుతున్న ఈ సినిమాలో మహేష్ బాబు మరియు పృథ్వీరాజ్ సుకుమారన్ మధ్య వచ్చే ఒక కీలక యాక్షన్ సీక్వెన్స్ను రాజమౌళి అక్కడ చిత్రీకరిస్తున్నారని సమాచారం. ఈ యాక్షన్ సన్నివేశం సినిమా మొత్తంలో హైలైట్గా నిలవబోతుందని చిత్ర యూనిట్ చెబుతోంది. అంతర్జాతీయ స్థాయి యాక్షన్ను చూపించడానికి ప్రత్యేకంగా విదేశీ టెక్నీషియన్ల సహాయంతో ఈ సన్నివేశాలను రూపొందిస్తున్నట్లు తెలుస్తోంది. ఈ యాక్షన్ సీక్వెన్స్ కోసం హీరో మహేష్ బాబు కూడా ప్రత్యేకంగా ట్రైనింగ్ తీసుకున్నారని సమాచారం. ప్రమాదకరమైన స్టంట్స్ను మరింత సహజంగా కనిపించేలా రూపొందించేందుకు రాజమౌళి ప్రతి షాట్ను చాలా జాగ్రత్తగా ప్లాన్ చేస్తున్నారట. మంచు ప్రాంతాల్లో షూటింగ్ జరపడం చాలా కష్టమైన పని అయినప్పటికీ, చిత్ర యూనిట్ ఎంతో కష్టపడి ఈ సన్నివేశాలను చిత్రీకరిస్తోంది.
ఇక షూటింగ్ షెడ్యూల్ విషయానికి వస్తే, జూన్ లేదా జూలై నాటికి మొత్తం చిత్రీకరణ పూర్తి చేయాలని దర్శకుడు రాజమౌళి ప్లాన్ చేస్తున్నారని తెలుస్తోంది. ఆ తర్వాత వెంటనే పోస్ట్ ప్రొడక్షన్ పనులను ప్రారంభించి, సినిమాను అత్యుత్తమ సాంకేతిక ప్రమాణాలతో సిద్ధం చేయాలని యూనిట్ భావిస్తోంది. విజువల్ ఎఫెక్ట్స్, బ్యాక్గ్రౌండ్ స్కోర్, గ్రాఫిక్స్ వంటి అంశాలపై ప్రత్యేక దృష్టి పెట్టనున్నారు. ప్రపంచవ్యాప్తంగా భారీ స్థాయిలో విడుదల చేయాలని ప్లాన్ చేసిన ఈ సినిమాను వచ్చే ఏడాది ఏప్రిల్ 7న రిలీజ్ చేయాలని నిర్మాతలు నిర్ణయించినట్లు సమాచారం. రాజమౌళి దర్శకత్వంలో వస్తున్న సినిమా కావడంతో ఈ చిత్రంపై అంతర్జాతీయ స్థాయిలో కూడా భారీ అంచనాలు నెలకొన్నాయి. మహేష్ బాబు కెరీర్లో ఇదే మొదటి గ్లోబల్ అడ్వెంచర్ సినిమా కావడంతో అభిమానులు కూడా ఎంతో ఆసక్తిగా ఎదురుచూస్తున్నారు.
