హైదరాబాద్‌కి షిష్ట్‌ అయ్యా!‘

నా ప్రతి పుట్టినరోజుకీ నావంతు సాయంగా సోషల్‌ సర్వీస్‌ చేయడం అలవాటు. చెన్నై నుంచి మొత్తంగా హైదరాబాద్‌ షిఫ్ట్‌ అయ్యాను. అందుకే.. ఇకనుంచి హైదరాబాద్‌లో నా సేవాకార్యక్రమాలు కొనసాగుతాయి.

నా ప్రతి పుట్టినరోజుకీ నావంతు సాయంగా సోషల్‌ సర్వీస్‌ చేయడం అలవాటు. చెన్నై నుంచి మొత్తంగా హైదరాబాద్‌ షిఫ్ట్‌ అయ్యాను. అందుకే.. ఇకనుంచి హైదరాబాద్‌లో నా సేవాకార్యక్రమాలు కొనసాగుతాయి.’ అని వరలక్ష్మీశరత్‌కుమార్‌ అన్నారు. మార్చి 5న(నేడు) ఆమె పుట్టినరోజు. ఈ సందర్భంగా తన భర్త నికోలయ్‌ సచ్‌దేవ్‌తో కలిసి హైదరాబాద్‌లోని లెప్రా సొసైటీ అనాథ శరణాలయానికి వెళ్లి అక్కడి చిన్నారులతో సమయాన్ని గడిపి, వారికి బహుమతుల్ని అందజేశారు వరలక్ష్మీ శరత్‌కుమార్‌. అనంతరం తన భర్తతో కలిసి శరణాలయానికి డొనేషన్‌ అందజేశారు.

ఈ సందర్భంగా ఆమె ఇంకా మాట్లాడుతూ ‘చాలామందికి ఈ అనాథ శరణాలయం గురించి తెలీదు. మాలాంటి సెలబ్రిటీలు ఇక్కడకి రావడం వల్ల ఈ ఆర్ఫనేజ్‌కు గుర్తింపు వస్తుంది. తద్వారా జనాలకు తెలుస్తుందనే ఉద్దేశ్యంతో ఈ రోజు ఇక్కడకు వచ్చాం. ఈ ఆర్ఫనేజ్‌లో చాలామంది ఆడబిడ్డలు ఉన్నారు. ఒక్క ఈ బ్రాంచ్‌లోనే 62మంది చిన్నారులున్నారు. దయచేసి అందరం హెల్పింగ్‌ హ్యాండ్స్‌ అందిద్దాం. కుదిరినప్పుడల్లా ఈ చిన్నారులను కలుద్దాం. మనం చేసే చిన్న సాయం కూడా వీరికి గొప్ప సంతోషాన్నిస్తుంది’ అన్నారు వరలక్ష్మి. మనకున్నదాంట్లో సాయం చేస్తే.. ఈ ప్రపంచం మళ్లీ మనకు సాయపడుతుందని వరలక్ష్మీ శరత్‌కుమార్‌ భర్త నికోలయ్‌ సచ్‌దేవ్‌ తెలిపారు.