Jai Vittalacharya | ‘జై విఠలాచార్య’ పుస్తకావిష్కరణ

జానపద బ్రహ్మ బి.విఠలాచార్య దర్శకత్వం వహించిన సినిమా విశేషాలను నేటి తరం ప్రేక్షకులకు సమగ్రంగా పరిచయం చేస్తూ సీనియర్‌ సినీ జర్నలిస్ట్‌ పులగం చిన్నారాయణ ‘జై విఠలాచార్య’ పుస్తకాన్ని రచించారు.

జానపద బ్రహ్మ బి.విఠలాచార్య దర్శకత్వం వహించిన సినిమా విశేషాలను నేటి తరం ప్రేక్షకులకు సమగ్రంగా పరిచయం చేస్తూ సీనియర్‌ సినీ జర్నలిస్ట్‌ పులగం చిన్నారాయణ ‘జై విఠలాచార్య’ పుస్తకాన్ని రచించారు. మూవీ వాల్యూమ్‌ మీడియా ఆధ్వర్యంలో షేక్‌ జీలాన్‌ బాషా ఈ పుస్తకాన్ని ప్రచురించారు. ఆదివారం ప్రముఖ దర్శకులు త్రివిక్రమ్‌ చేతుల మీదుగా ఈ పుస్తకావిష్కరణ జరిగింది. తొలి ప్రతిని రైల్వే ఉన్నతాధికారి రవి పాడి అందుకున్నారు.

ఈ సందర్భంగా త్రివిక్రమ్‌ శ్రీనివాస్‌ మాట్లాడుతూ ‘చరిత్రను రికార్డ్‌ చేయడం తెలుగులో చాలా తక్కువ. ముఖ్యంగా తెలుగు సినిమా చరిత్ర తక్కువగా అందుబాటులో ఉంది. జానపదబ్రహ్మగా అభివర్ణించే విఠలాచార్య జీవిత ప్రస్థానాన్ని నేటితరానికి తెలియజేసే ఈ ప్రయత్నం అభినందనీయం’ అన్నారు. ‘ఈ పుస్తకం కోసం పలువురు సినీ ప్రముఖులను ఇంటర్వ్యూలు చేయడంతో పాటు విఠలాచార్య కుటుంబ సభ్యులతో మాట్లాడి ఎన్నో విషయాలను సేకరించా. ఇప్పటివరకు ఎక్కడా అందుబాటులో లేని విస్త్రత సమాచారాన్ని ఈ పుస్తకలో పొందుపరిచాను’ అని రచయిత పులగం చిన్నారాయణ తెలిపారు.