గ్రాండ్‌ పేరెంట్స్‌కు ఉచిత ప్రదర్శన

సత్యరాజ్‌, ఉదయభాను, వశిష్టసింహా, క్రాంతికిరణ్‌ ప్రధాన పాత్రల్లో నటించిన ‘త్రిబాణధారి బార్బరిక్‌' చిత్రం శుక్రవారం ప్రేక్షకుల ముందుకొచ్చింది.

సత్యరాజ్‌, ఉదయభాను, వశిష్టసింహా, క్రాంతికిరణ్‌ ప్రధాన పాత్రల్లో నటించిన ‘త్రిబాణధారి బార్బరిక్‌’ చిత్రం శుక్రవారం ప్రేక్షకుల ముందుకొచ్చింది. మోహన్‌శ్రీవత్స దర్శకత్వంలో విజయ్‌పాల్‌ రెడ్డి అడిదల ఈ చిత్రాన్ని నిర్మించారు. సోషియో, పౌరాణిక అంశాల కలబోతగా సస్పెన్స్‌ థ్రిల్లర్‌గా సందేశాత్మక కథాంశంతో ఈ చిత్రాన్ని నిర్మించారు. ఈ సినిమా మహిళా ప్రేక్షకులకు బాగా కనెక్ట్‌ అవుతుండటంతో నిర్మాతలు ఓ ఆఫర్‌ను ప్రకటించారు.

సెప్టెంబర్‌ 7న గ్రాండ్‌ పేరెంట్స్‌ డేను పురస్కరించుకొని ఈ నెల 30, 31న ప్రదర్శించే సాయంత్రం ఆటకు వెళ్లే నలుగురు కుటుంబ సభ్యుల్లో ఇద్దరు గ్రాండ్‌ పేరెంట్స్‌కు (తాత, అమ్మమ్మ, నానమ్మ) ఉచితంగా సినిమా ప్రవేశం కల్పిస్తామని నిర్మాతలు తెలిపారు. తాత, మనవరాలి చుట్టూ నడిచే కథాంశమిది కాబట్టి ఈ ఆఫర్‌ను ప్రకటిస్తున్నామని మేకర్స్‌ తెలిపారు.