Visit:
Tom Cruise | హాలీవుడ్ సూపర్ స్టార్ టామ్ క్రూజ్ ఫ్రాన్స్‌లో జ‌రుగుతున్న కేన్స్ ఫిల్మ్ ఫెస్టివల్ సూపర్ ఎంట్రీ ఇచ్చాడు. 2025లో తన రాబోయే చిత్రం “మిషన్: ఇంపాజిబుల్ – ది ఫైనల్ రికనింగ్” ప్రీమియర్ సందర్భంగా అభిమానులు, మీడియా ఆశ్చర్యపోయేలా ఆయన ఒక స్టైలిష్ మోటార్‌సైకిల్‌పై రెడ్ కార్పెట్‌ వద్దకు గ్రాండ్‌గా ఎంట్రీ ఇచ్చారు.
బ్లాక్ డ్రెస్‌లో వ‌చ్చిన 62 ఏండ్ల న‌టుడు తన ప్రత్యేకమైన శైలితో ప్రేక్షకులను అలరించారు. ఆ తర్వాత ఆయన రెడ్ కార్పెట్‌పై ఒక టక్సీడోలో మెరిశారు. అక్కడ “మిషన్: ఇంపాజిబుల్” సినిమా నేపథ్య సంగీతాన్ని ఒక లైవ్ ఆర్కెస్ట్రా ప్లే చేస్తూ ఆయనకు ఘనంగా స్వాగతం పలికింది.
“మిషన్: ఇంపాజిబుల్ – ది ఫైనల్ రికనింగ్” సినిమా ప్రీమియర్ ముగిసిన తర్వాత ప్రేక్షకులు ఐదు నిమిషాల పాటు నిలబడి చప్పట్లు కొట్టారు. ఈ అపూర్వమైన స్పందనకు టామ్ క్రూజ్ భావోద్వేగానికి లోనయ్యారు మరియు ప్రేక్షకులకు కృతజ్ఞతలు తెలిపారు. ఈ చిత్రంలో మూడు నిమిషాల నిడివిగల ఒక ఉత్కంఠభరితమైన కత్తి పోరాట సన్నివేశం కూడా ఉందని సమాచారం, ఇది ప్రేక్షకులను సీట్లకు అతుక్కుపోయేలా చేస్తుందని అంటున్నారు.
టామ్ క్రూజ్ చేసిన ఈ ప్రత్యేకమైన మోటార్‌సైకిల్ ఎంట్రీ కాన్స్ చలనచిత్రోత్సవంలో ఒక ప్రత్యేక ఆకర్షణగా నిలిచింది. ఆయన అభిమానులు, సినీ విమర్శకులు ఈ ఘటన గురించి ఎంతో ఆసక్తిగా మాట్లాడుకుంటున్నారు. ఈ చిత్రం భారతదేశంలో తెలుగు, తమిళ, హిందీ మరియు ఇంగ్లీష్ భాషల్లో మే 17, 2025న విడుదల కానుంది.
