విమర్శ ముసుగులో ద్వేషం!

‘నటుడిగా ప్రతీ సినిమాలో వైవిధ్యం ప్రదర్శించేందుకు ప్రయత్నిస్తా. కథాంశాలపరంగా కూడా కొత్తదనానికి పెద్దపీట వేస్తా. ఒకే రకమైన కథల్ని అస్సలు రిపీట్‌ చేయను’ అన్నారు హీరో ప్రియదర్శి. ఆయన కథానాయకుడిగా నటించిన తాజా చిత్రం ‘మిత్రమండలి’ నేడు ప్రేక్షకుల ముందుకొస్తున్నది. విజయేందర్‌ దర్శకత్వంలో సప్త అశ్వ మీడియా వర్క్స్‌ సంస్థ నిర్మించింది. ఈ సందర్భంగా బుధవారం ప్రియదర్శి విలేకరులతో ముచ్చటించారు.

‘నటుడిగా ప్రతీ సినిమాలో వైవిధ్యం ప్రదర్శించేందుకు ప్రయత్నిస్తా. కథాంశాలపరంగా కూడా కొత్తదనానికి పెద్దపీట వేస్తా. ఒకే రకమైన కథల్ని అస్సలు రిపీట్‌ చేయను’ అన్నారు హీరో ప్రియదర్శి. ఆయన కథానాయకుడిగా నటించిన తాజా చిత్రం ‘మిత్రమండలి’ నేడు ప్రేక్షకుల ముందుకొస్తున్నది. విజయేందర్‌ దర్శకత్వంలో సప్త అశ్వ మీడియా వర్క్స్‌ సంస్థ నిర్మించింది. ఈ సందర్భంగా బుధవారం ప్రియదర్శి విలేకరులతో ముచ్చటించారు.

దర్శకుడు విజయేందర్‌ కుల వ్యవస్థ మీద సెటైరికల్‌గా ఈ కథ రాసుకున్నాడు. ఓ ఫిక్షనల్‌ టౌన్‌లో ఈ కథ నడుస్తుంది. నలుగురు స్నేహితుల చుట్టూ నడిచే ఈ కథలో కావాల్సినంత వినోదంతో పాటు సందేశం కూడా ఉంటుంది. కుల వ్యవస్థ అనే అంశాన్ని తీసుకున్నా..ఇందులో ఎవరి మనోభావాల్ని దెబ్బతీసే విషయాలు ఉండవు.

• కొంతమంది ఈ సినిమా ట్రైలర్‌ను చూసి ‘జాతిరత్నాలు’ చిత్రంతో పోల్చుతున్నారు. రెండింటికి ఎలాంటి సంబంధం ఉండదు. ‘జాతిరత్నాలు’ తర్వాత నేను.. 35 చిన్న కథ కాదు, కోర్ట్‌ వంటి విభిన్న కథా చిత్రాల్లో నటించా. ఒకే కథను రిపీట్‌ చేయడం నాకు నచ్చదు.
• ఈ సినిమాపై కొందరు ఉద్దేశ్యపూర్వకంగా వ్యతిరేక ప్రచారాన్ని సాగిస్తున్నారని మా దృష్టికి వచ్చింది. ఎవరైనా నిర్మాణాత్మక విమర్శలు చేస్తే బాగుంటుంది. కానీ అకారణంగా ద్వేషాన్ని ప్రదర్శించొద్దు. విమర్శకు, ద్వేషానికి మధ్య చాలా తేడా ఉంటుంది. సినిమాను తొక్కేయాలనే లక్ష్యంతో సోషల్‌మీడియాలో ద్వేషాన్ని వ్యాప్తి చేస్తున్నారు. ఈ విపరీత ధోరణిని మనమంతా వ్యతిరేకించాలి.
• ‘ఈ సినిమా నచ్చకపోతే నా నెక్ట్స్‌ సినిమా చూడకండి’ అంటూ ఇటీవల ఓ స్టేట్‌మెంట్‌ ఇచ్చా. ఈ సినిమా కథ మీద ఉన్న నమ్మకంతో అలా చెప్పా. అంతేకానీ మిగతా చిత్రాల్ని తక్కువ చేయాలనే ఉద్దేశ్యం నాకు లేదు.