కొన్ని తేదీలు అలా చరిత్రలో నిలిచిపోతాయంతే. అలా తెలుగు ఇండస్ట్రీకి బాగా కలిసొచ్చిన తేదీ ఏప్రిల్ 28. ఆ రోజు ఏ సినిమా అయినా విడుదలైంది అంటే మాత్రం నిర్మాతలు చాలా ధైర్యంగా ఉంటారు. తమ సినిమా కచ్చితంగా రికార్డులు తిరగరాస్తుందని హాయిగా గుండెలపై చేయి వేసుకుని పడుకుంటారు. దానికి కారణం ఉంది.. ఆ రోజు చరిత్ర అలా ఉంది మరి. ఒకటి రెండు కాదు మూడు సినిమాలు ఆ రోజు చరిత్ర సృష్టించాయి. ఎప్రిల్ 28న విడుదలైన మూడు సినిమాలు తెలుగు సినిమా చరిత్రను ఎప్పటికప్పుడు మార్చేసాయి. ప్రతీ 15 ఏళ్లకు ఆ తేదీన విడుదలైన సినిమాలు చరిత్రకు తెరతీసాయి. ఆ సినిమాలేంటో చూద్దాం..