బిగ్ బాస్ (Bigboss 6 Telugu)లో జరిగేవన్నీ చాలా సీక్రెట్ గా ఉంచాలని నిర్వాహకులు ప్లాన్ చేసుకుంటారు. కానీ వారం రోజుల ముందు నుంచి లీక్ అయిపోతున్నాయి. మరీ ముఖ్యంగా ఎలిమినేషన్ విషయంలో వాళ్ళు ఎంత దాచి పెట్టాలి అనుకున్న కూడా.. ఎవరు బయటకు వెళ్ళిపోతున్నారు అనేది తెలిసిపోతుంది. సోషల్ మీడియాలో వస్తున్న వార్తల ప్రకారం ఈ వారం కూడా ఎవరు ఇంటి నుంచి బయటికి వెళ్లిపోతున్నారు అనేది.. మూడు నాలుగు రోజుల ముందు నుంచే వైరల్ అవుతూ వస్తుంది. మరీ ముఖ్యంగా ఓటింగ్ విషయంలో ఎవరు డేంజర్ జోన్ లో ఉన్నారు అనేది తెలుసుకోవడం పెద్ద విషయం కాదు.
ఈ నేపథ్యంలోనే ఇంటి నుంచి ఎవరు బయటకు వస్తారనేది (Elimination) ముందుగానే తెలిసిపోతుంది. ఈ వారం నామినేషన్స్ లో ఏకంగా 10 మంది ఉన్నారు. అందులో రేవంత్, గీతూ (Geetu Royal), శ్రీహాన్, బాలాదిత్య, చంటి లాంటి వాళ్ళు స్ట్రాంగ్ కంటెస్టెంట్స్. ఇప్పట్లో వీళ్ళు బయటికి వచ్చే ఛాన్స్ లేదు. మిగిలిన వాళ్ళలో కూడా నేహా అందరికంటే ముందుంది. వీళ్లు కాకుండా ఈ వారం వాసంతి, ఇనయా సుల్తానా, ఆరోహి, సుదీప నామినేషన్ లో ఉన్నారు. ప్రస్తుతం వస్తున్న సమాచారం ప్రకారం ఈ నలుగురులో వాసంతికి అందరికంటే ఎక్కువ ఓట్లు పడుతున్నాయి. ఆ తర్వాత ఆరోహి ఉంది.
ఈ వారం డేంజర్ జోన్లో..
అంటే ఈ వారం డేంజర్ జోన్ (Danger Zone)లో ఇనయా, సుదీప ఉన్నారు. ఇంట్లో అందరితో కలుపుగోలుగా ఉంటూ.. వంట చేస్తూ టాస్క్ లోను పాల్గొంటూ తనకంటూ ప్రత్యేక గుర్తింపు సంపాదించుకున్న సుదీప.. ఇప్పట్లో ఇంటి నుంచి బయటకు వెళ్లడం కష్టమే. దాంతో ఎటువైపు నుంచి చూసుకున్న ఈ వారం ఇనాయా ఎలిమినేట్ అవ్వడం ఖాయంగా కనిపిస్తోంది. పైగా మొన్న జరిగిన నామినేషన్స్ లో తలా తోక లేకుండా ఈమె వాదించిన తీరు ప్రేక్షకులకు చిరాకు తెప్పించింది.
ఇంట్లో ఏ విషయం జరిగినా కూడా వెంటనే దూరిపోయి.. అసలు మేటర్ తెలియకుండా నోరు వేసుకొని పడిపోతుంది అంటూ విమర్శలు కూడా మూటగట్టుకుంటుంది ఈమె. పాయింట్ మాట్లాడకుండా అనవసరంగా సాగదీస్తూ ఆడియన్స్ ను ఇరిటేట్ చేస్తున్న ఇనాయా..ఈ వారం ఇంటి నుంచి బయటకు రావడం లాంచనమే అనే వార్తలు వినిపిస్తున్నాయి. మరి చూడాలి..ఇదే జరుగుతుందా..? లేదంటే చివరి నిమిషంలో బిగ్ బాస్ ఏదైనా ట్విస్ట్ ఇస్తాడా అని..!