Visit:
OM Movie | కోలీవుడ్ స్టార్ హీరో ధనుష్, మలయాళీ మెగాస్టార్ మమ్ముట్టి ప్రధాన పాత్రల్లో, టాలెంటెడ్ డైరెక్టర్ రాజ్కుమార్ పెరియసామి దర్శకత్వంలో తెరకెక్కుతున్న మోస్ట్ అవేటెడ్ పాన్-ఇండియా యాక్షన్ డ్రామా ‘ఓమ్’ (OM) సినిమాకు సంబంధించి ఒక భారీ అప్డేట్ బయటకు వచ్చింది. ఇప్పటికే భారీ అంచనాలతో రూపొందుతున్న ఈ ప్రాజెక్ట్లోకి సరికొత్తగా మరో పవర్హౌస్ పర్ఫార్మర్ ఎంట్రీ ఇచ్చారు.
భారతీయ సినీ రంగంలో తనదైన నటనతో దిగ్గజ నటుడిగా గుర్తింపు తెచ్చుకున్న నసీరుద్దీన్ షా ఈ చిత్రంలో ఒక కీలక పాత్ర పోషించబోతున్నట్లు చిత్ర బృందం అధికారికంగా ప్రకటించింది. ఆయన రాకతో ‘ఓమ్’ సినిమా ప్రపంచం మరింత పెద్దదిగా, పవర్ఫుల్గా మారిందని మేకర్స్ ఎంతో ఉత్సాహంగా వెల్లడించారు. నిజ జీవిత సంఘటనల ఆధారంగా, ఎంతో వైవిధ్యభరితమైన కాన్సెప్ట్తో రూపొందుతున్న ఈ చిత్రంలో సాయి పల్లవి, శ్రీలీల హీరోయిన్లుగా నటిస్తున్నారు. సాయి అభ్యంకర్ సంగీతం అందిస్తున్న ఈ ప్రతిష్టాత్మక సినిమా అక్టోబర్ 16, 2026న ప్రపంచవ్యాప్తంగా థియేటర్లలో భారీ ఎత్తున విడుదల కానుంది. నసీరుద్దీన్ షా లాంటి సీనియర్ మోస్ట్ యాక్టర్ ఈ భారీ ప్రాజెక్ట్లో భాగం కావడంతో సినిమా స్థాయి మరింత పెరిగిందని, ధనుష్, మమ్ముట్టి వంటి స్టార్లతో ఆయన స్క్రీన్ షేర్ చేసుకోబోయే సీన్లు థియేటర్లలో హైలైట్గా నిలుస్తాయని టాలీవుడ్, కోలీవుడ్ వర్గాలు అభిప్రాయపడుతున్నాయి.
