వరుణ్సందేశ్, ఫర్నాజ్ శెట్టి జంటగా నటిస్తున్న చిత్రం ‘ఇందువదన’. ఎమ్ఎస్ఆర్ దర్శకుడు. శ్రీబాలాజీ పిక్చర్స్ పతాకంపై మాధవి ఆదుర్తి నిర్మిస్తున్నారు. బుధవారం ఈ చిత్ర టీజర్ను సీనియర్ దర్శకుడు రాఘవేంద్రరావు విడుదల చేశారు. సినిమా చిత్రీకరణ పూర్తయింందని, త్వరలో విడుదల తేదీని ప్రకటిస్తామని నిర్మాతలు తెలిపారు. దర్శకుడు మాట్లాడుతూ ‘అటవీ నేపథ్యంలో సాగే ప్రేమకథా చిత్రమిది. థ్రిల్లర్, సస్పెన్స్ అంశాలతో సాగుతుంది. ఇందువదన తాలూకు రహస్యమేమిటన్నది ఆసక్తిని రేకెత్తిస్తుంది. చాలా విరామం తర్వాత వరుణ్సందేశ్ రీఎంట్రీ ఇస్తున్నారు. ఇటీవల విడుదల చేసిన ఫస్ట్లుక్, క్యారెక్టర్ ఇంట్రోలుక్స్ కళాత్మకంగా ఉన్నాయని ప్రశంసలొస్తున్నాయి’ అన్నారు. తన కెరీర్లో విభిన్న ప్రేమకథ ఇదని వరుణ్సందేశ్ తెలిపారు. రఘుబాబు, అలీ, నాగినీడు, సురేఖవాణి తదితరులు నటిస్తున్న ఈ చిత్రానికి కెమెరా: బి.మురళికృష్ణ, సంగీతం: శివ కాకాని, కథ, మాటలు: సతీష్ ఆకేటి, దర్శకుడు: ఎంఎస్ఆర్.