డియర్‌ నానీ.. వెర్రిగా పోదాం..

నాని హీరోగా శ్రీకాంత్‌ ఓదెల దర్శకత్వంలో రూపొందిన ‘దసరా’ ఎంతటి విజయాన్ని సాధించిందో తెలిసిందే. నాని కెరీర్‌లో తొలి వందకోట్ల సినిమా ‘దసరా’. ఇప్పుడు మళ్లీ అదే కాంబినేషన్లో నిర్మాత సుధాకర్‌ చెరుకూరి ‘ది ప్యారడైజ్‌' సినిమాను నిర్మిస్తున్నారు. దాంతో.. అంచనాలు ఆకాశాన్నంటాయి. ప్రీప్రొడక్షన్‌ పనులు జోరుగా సాగుతున్నాయి. త్వరలోనే షూటింగ్‌ మొదలుపెట్టనున్నారు.

నాని హీరోగా శ్రీకాంత్‌ ఓదెల దర్శకత్వంలో రూపొందిన ‘దసరా’ ఎంతటి విజయాన్ని సాధించిందో తెలిసిందే. నాని కెరీర్‌లో తొలి వందకోట్ల సినిమా ‘దసరా’. ఇప్పుడు మళ్లీ అదే కాంబినేషన్లో నిర్మాత సుధాకర్‌ చెరుకూరి ‘ది ప్యారడైజ్‌’ సినిమాను నిర్మిస్తున్నారు. దాంతో.. అంచనాలు ఆకాశాన్నంటాయి. ప్రీప్రొడక్షన్‌ పనులు జోరుగా సాగుతున్నాయి. త్వరలోనే షూటింగ్‌ మొదలుపెట్టనున్నారు. నాని కూడా ఈ సినిమా కోసం ఇంటెన్స్‌గా జిమ్‌ చేస్తూ మేకోవర్‌ అయ్యే పనిలో ఉన్నారు. ఇదిలావుంటే.. ఈ సినిమాకు సంగీత దర్శకుడిగా అనిరుథ్‌ ఖరారైనట్టు మేకర్స్‌ ఆదివారం ఓ ప్రకటన ద్వారా తెలియజేశారు.

జెర్సీ, గ్యాంగ్‌లీడర్‌ చిత్రాల తర్వాత నాని, అనిరుథ్‌ కలిసి పనిచేస్తున్న సినిమా ఇదే కావడం విశేషం. ఈ సందర్భంగా నాని తన ఎక్స్‌లో ‘మేం మా హ్యాట్రిక్‌పై ఉన్నాం.. ఇది ఒక అద్భుతం అవుతుంది.. ప్యారడైజ్‌ ఇప్పుడు నాని, అనిరుథ్‌, ఓదెల సినిమా.. స్వాగతం డియర్‌ అనిరుథ్‌..’ అంటూ పోస్ట్‌ చేయగా, ‘ఇది చాలా స్పెషల్‌ మై డియర్‌ నాని.. వెర్రిగా పోదాం..’ అంటూ అనిరుథ్‌ రిప్లయ్‌ ఇచ్చారు. ఉద్వేగపూరితంగా సాగే లార్జర్‌ దెన్‌ లైఫ్‌ స్టోరీతో శ్రీకాంత్‌ తెరకెక్కించనున్న ఈ సినిమాలో నాని పూర్తి మాస్‌ అవతారంలో కనిపిస్తారని, నాని కెరీర్‌లోనే ఇది హై బడ్జెట్‌ సినిమా అని మేకర్స్‌ చెబుతున్నారు.