రంగంలోకి ఉస్తాద్‌

అగ్ర కథానాయకుడు పవన్‌కల్యాణ్‌ రాజకీయ కార్యకలాపాల్లో బిజీగా ఉంటూనే మరోవైపు వేగంగా తన సినిమాల్ని పూర్తి చేసే పనిలో ఉన్నారు. ‘ఓజీ’ తాలూకు నాలుగు రోజుల షూటింగ్‌ బ్యాలెన్స్‌గా ఉన్నట్లు తెలిసింది.

అగ్ర కథానాయకుడు పవన్‌కల్యాణ్‌ రాజకీయ కార్యకలాపాల్లో బిజీగా ఉంటూనే మరోవైపు వేగంగా తన సినిమాల్ని పూర్తి చేసే పనిలో ఉన్నారు. ‘ఓజీ’ తాలూకు నాలుగు రోజుల షూటింగ్‌ బ్యాలెన్స్‌గా ఉన్నట్లు తెలిసింది. ఈ చిత్రం దసరా బరిలో రాబోతుండటంతో అభిమానులు ఖుషీగా ఉన్నారు. మరోవైపు ‘ఉస్తాద్‌భగత్‌సింగ్‌’ తాజా షెడ్యూల్‌ త్వరలో ప్రారంభం కానుంది.

నేడు పవన్‌కల్యాణ్‌ పుట్టినరోజు సందర్భంగా ఈ సినిమా నుంచి ప్రత్యేక పోస్టర్‌ను విడుదల చేశారు. ఇందులో పవన్‌కల్యాణ్‌ త్రీపీస్‌ సూట్‌పై కౌబాయ్‌ క్యాప్‌ ధరించి ైస్టెలిష్‌గా కనిపిస్తున్నారు. ఈ పోస్టర్‌ విడుదల చేసిన కొద్ది గంటల్లోనే సోషల్‌మీడియాలో వైరల్‌గా మారింది. పవన్‌కల్యాణ్‌కు ‘గబ్బర్‌సింగ్‌’ వంటి బ్లాక్‌బస్టర్‌ హిట్‌ను అందించిన దర్శకుడు హరీశ్‌శంకర్‌, మరోసారి అదే మ్యాజిక్‌ రిపీట్‌ చేయబోతున్నారని అభిమానులు కాన్ఫిడెంట్‌గా ఉన్నారు.

ఈ నెల 6 నుంచి మొదలయ్యే కొత్త షెడ్యూల్‌లో పవన్‌కల్యాణ్‌తో పాటు ప్రధాన తారాగణం పాల్గొంటారని మేకర్స్‌ తెలిపారు. శ్రీలీల, రాశీఖన్నా, పార్థిబన్‌, కె.ఎస్‌.రవికుమార్‌ తదితరులు నటిస్తున్న ఈ చిత్రానికి సంగీతం: దేవిశ్రీప్రసాద్‌, నిర్మాతలు: నవీన్‌ యెర్నేని, రవిశంకర్‌ యలమంచిలి, రచన-దర్శకత్వం: హరీష్‌శంకర్‌ ఎస్‌.