కన్నులలో వెన్నెలలే కురిసే..

నేషనల్‌ క్రష్‌ రష్మిక మందన్నా, దీక్షిత్‌ శెట్టి జంటగా నటిస్తున్న రొమాంటిక్‌ లవ్‌స్టోరీ ‘ది గర్ల్‌ ఫ్రెండ్‌'. రాహుల్‌ రవీంద్రన్‌ దర్శకుడు. ధీరజ్‌ మొగిలినేని, విద్య కొప్పినీడి నిర్మాతలు. అల్లు అరవింద్‌ సమర్పణలో రూపొందుతోన్న ఈ చిత్రం ప్రస్తుతం పోస్ట్‌ ప్రొడక్షన్‌ దశలో ఉంది.

నేషనల్‌ క్రష్‌ రష్మిక మందన్నా, దీక్షిత్‌ శెట్టి జంటగా నటిస్తున్న రొమాంటిక్‌ లవ్‌స్టోరీ ‘ది గర్ల్‌ ఫ్రెండ్‌’. రాహుల్‌ రవీంద్రన్‌ దర్శకుడు. ధీరజ్‌ మొగిలినేని, విద్య కొప్పినీడి నిర్మాతలు. అల్లు అరవింద్‌ సమర్పణలో రూపొందుతోన్న ఈ చిత్రం ప్రస్తుతం పోస్ట్‌ ప్రొడక్షన్‌ దశలో ఉంది. శనివారం రష్మిక పుట్టిన రోజు. ఈ సందర్బంగా ఆమెకు శుభాకాంక్షలు తెలుపుతూ మేకర్స్‌ ఈ సినిమాకు చెందిన పోస్టర్‌ని, ‘రేయి లోలోతులా..’ అంటూ సాగే టీజర్‌ సాంగ్‌ని విడుదల చేశారు. నడుముకి వేళ్లాడుతున్న గన్‌, చేతులో కత్తి.. మొత్తంగా ఓ వారియర్‌లా రష్మిక ఈ పోస్టర్‌లో కనిపిస్తున్నది. ఇక ‘రేయి లోలోతులా..’ పాట విషయానికొస్తే.. రాకేం దుమౌళి రాయగా, హేషమ్‌ అబ్దుల్‌ వాహబ్‌ స్వరపరచి, చిన్మయితో కలిసి ఆలపించారు. అగ్ర హీరో విజయ్‌ దేవరకొండ వాయిస్‌ ఓవర్‌తో ఈ పాట మొదలవ్వడం విశేషం. ‘రేయి లోలోతుల సితార.. జాబిలి జాతర.. కన్నులలో వెన్నెలలే కురిసే.. మదిమోసే తలవాకిట తడిసే.. యద జారెనే మనసు ఊగెనే.. చెలి చెంత లో జగమాగెనే.. యద జారనే మనసా..’ అంటూ ఫీల్‌గుడ్‌గా ఈ పాట సాగింది. త్వరలో విడుదల కానున్న ఈ సినిమాకు కెమెరా: కృష్ణన్‌ వసంత్‌, నిర్మాణం: గీతా ఆర్ట్స్‌, మాస్‌మూవీ మేకర్స్‌, ధీరజ్‌ మొగిలినేని ఎంటర్‌టైన్మెంట్స్‌.