Tabu | నాగార్జున 100వ సినిమాలో టబు స్పెషల్ రోల్‌.. గ్లింప్స్ ఎప్పుడు విడుద‌ల కానుంది అంటే..!

Tabu | కింగ్ నాగార్జున, అందాల నటి టబు కాంబోకి తెలుగు సినీ పరిశ్రమలో ప్రత్యేకమైన గుర్తింపు ఉంది. వీరిద్దరూ కలిసి నటించిన ‘నిన్నే పెళ్లాడతా’ అప్పట్లో భారీ విజయాన్ని అందుకోవడమే కాకుండా, ప్రేక్షకుల మనసుల్లో చెరగని ముద్ర వేసింది. ఈ సినిమాలో నాగార్జున, టబు మధ్య కెమిస్ట్రీకి మంచి ఆదరణ లభించింది. ఇప్పుడు చాలా కాలం తర్వాత ఈ క్రేజీ జోడీ మరోసారి వెండితెరపై కలిసి కనిపించనుండటంతో అభిమానుల్లో ఆసక్తి పెరిగింది.

Tabu | కింగ్ నాగార్జున, అందాల నటి టబు కాంబోకి తెలుగు సినీ పరిశ్రమలో ప్రత్యేకమైన గుర్తింపు ఉంది. వీరిద్దరూ కలిసి నటించిన ‘నిన్నే పెళ్లాడతా’ అప్పట్లో భారీ విజయాన్ని అందుకోవడమే కాకుండా, ప్రేక్షకుల మనసుల్లో చెరగని ముద్ర వేసింది. ఈ సినిమాలో నాగార్జున, టబు మధ్య కెమిస్ట్రీకి మంచి ఆదరణ లభించింది. ఇప్పుడు చాలా కాలం తర్వాత ఈ క్రేజీ జోడీ మరోసారి వెండితెరపై కలిసి కనిపించనుండటంతో అభిమానుల్లో ఆసక్తి పెరిగింది.నాగార్జున నటిస్తున్న ప్రతిష్టాత్మక 100వ సినిమాలో టబు కీలక పాత్ర పోషిస్తున్నారు. ఈ సినిమా ద్వారా ప్రేక్షకులు మరోసారి ఈ ఐకానిక్ జోడీని తెరపై చూడబోతున్నారు. ఇప్పటికే ఈ ప్రాజెక్ట్‌పై అంచనాలు పెరుగుతుండగా, తాజాగా చిత్ర బృందం టబుకు సంబంధించిన ప్రత్యేక అప్‌డేట్‌ను ప్రకటించింది.

ఈ సినిమాలో టబు పాత్రకు సంబంధించిన ప్రత్యేక గ్లింప్స్‌ను నవంబర్ 4న ఉదయం 9 గంటలకు విడుదల చేయనున్నట్లు చిత్ర యూనిట్ అధికారికంగా వెల్లడించింది. ఈ ప్రకటనతో అభిమానుల్లో మరింత ఉత్సాహం నెలకొంది. టబు పాత్ర ఎలా ఉండబోతోంది? నాగార్జునతో ఆమె స్క్రీన్‌పై ఎలాంటి అనుబంధాన్ని పంచుకోనున్నారు? అనే ఆసక్తి ప్రేక్షకుల్లో కనిపిస్తోంది. గ్లింప్స్ విడుదలైతే ఆమె పాత్రపై మరింత స్పష్టత వచ్చే అవకాశం ఉంది.ఆర్. కార్తీక్ దర్శకత్వం వహిస్తున్న ఈ చిత్రాన్ని అన్నపూర్ణ స్టూడియోస్ పతాకంపై సుప్రియ యార్లగడ్డ నిర్మిస్తున్నారు. ప్రముఖ సంగీత దర్శకుడు దేవిశ్రీ ప్రసాద్ ఈ సినిమాకు స్వరాలు సమకూరుస్తున్నారు. నాగార్జున కెరీర్‌లో ఇది 100వ చిత్రం కావడంతో ఈ ప్రాజెక్ట్‌కు ప్రత్యేక ప్రాధాన్యత ఏర్పడింది. అందుకు తగ్గట్టుగానే చిత్ర బృందం ప్రతిష్టాత్మకంగా సినిమాను రూపొందిస్తోంది.

ఈ చిత్రాన్ని 2026 డిసెంబర్ 24న క్రిస్మస్ కానుకగా ప్రేక్షకుల ముందుకు తీసుకురానున్నారు. నాగార్జున, టబు జోడీ మళ్లీ కలిసి నటిస్తుండటం, 100వ సినిమా కావడం ఈ ప్రాజెక్ట్‌పై ఆసక్తిని మరింత పెంచుతున్నాయి. నవంబర్ 4న విడుదల కానున్న టబు గ్లింప్స్‌తో సినిమాపై అంచనాలు ఇంకెంత పెరుగుతాయో చూడాలి.