సామాన్యులతో సూపర్‌స్టార్‌ ప్రయాణం

మిగతా హీరోలతో పోల్చి చూస్తే రజనీకాంత్‌ జీవనశైలి భిన్నం. వయసు మీద పడుతున్నా కుర్రాళ్లలా కనిపించడానికి చాలామంది హీరోలు ప్రయత్నిస్తుంటారు.

మిగతా హీరోలతో పోల్చి చూస్తే రజనీకాంత్‌ జీవనశైలి భిన్నం. వయసు మీద పడుతున్నా కుర్రాళ్లలా కనిపించడానికి చాలామంది హీరోలు ప్రయత్నిస్తుంటారు. రజనీ అలాకాదు. ఇంట్లో ఎలా ఉంటారో, బయటా అలాగే ఉంటారు. తలకు రంగేయడం, వయసు దాచేయడం ఆయన హిస్టరీలో లేదు. రజనీ పారితోషికం వందకోట్ల పైమాటే. కానీ లగ్జరీలకు పోరు. సామాన్యుడిగా బతకడం.. అందరినీ ఆప్యాయంగా పలకరించడం రజనీైస్టెల్‌. రీసెంట్‌గా చెన్నయ్‌ నుంచి కడపకు సాధారణ ప్రయాణికుడిగా ఎకానమీ క్లాస్‌లో ప్రయాణించారు రజనీ. ఆ విమానంలో రజనీని చూసిన జనం సంతోషంతో పొంగిపోయారు.

తలైవాను దగ్గరగా చూస్తూ తెగ సంబరపడిపోయారు. ఆయనేమో అవేమీ పట్టించుకోకుండా ఎయిర్‌ పాడ్స్‌ పెట్టుకొని సంగీతాన్ని ఆస్వాదిస్తూ ప్రయాణించారు. ఈ వీడియోలు, ఫొటోలు సామాజిక మాధ్యమాల్లో విపరీతంగా వైరల్‌ అవుతున్నాయి. ఇంతకీ తలైవాకు కడపలో పనేంటి? అనుకుంటున్నారా..? టి.జె.జ్ఞానవేల్‌ దర్శకత్వంలో రజనీ నటిస్తున్న తాజా చిత్రం ‘x షూటింగ్‌ ప్రస్తుతం కడపలో జరుగుతున్నది. ఆ షూటింగ్‌ నిమిత్తం ఆయన కడప వెళ్లారు. ఇక ‘వెట్టయాన్‌’ విషయానికొస్తే.. అమితాబ్‌, ఫహద్‌ ఫాజిల్‌, రానా, మంజు వారియర్‌, రితికా సింగ్‌ ఇందులో కీలక పాత్రధారులు. ఈ నెలాఖరుకు షూటింగ్‌ పూర్తి చేయాలనే లక్ష్యంతో చిత్రయూనిట్‌ పనిచేస్తున్నట్టు తెలిసింది. ఈ సినిమా ‘వేటగాడు’ పేరుతో తెలుగులో విడుదల కానుంది.