Sundeep Kishan | ఇప్పటివరకు రాని కాన్సెప్ట్‌!

Sundeep Kishan | “మజాకా’ నా ముప్పైయ్యవ చిత్రం. 15ఏళ్ల సినీ ప్రయాణంలో ముప్పై సినిమాలు చేయడం ఆనందంగా ఉంది. వృత్తిని ఎంతగానో ప్రేమిస్తూ ఈ జర్నీని కొనసాగిస్తున్నా. మంచి కథలను ఎంచుకోవడంతో పాటు ఎంతోమంది నూతన దర్శకులను ఇండస్ట్రీకి పరిచయం చేశానని సంతృప్తిగా ఉంది’ అన్నారు సందీప్‌కిషన్‌.

Sundeep Kishan | “మజాకా’ నా ముప్పైయ్యవ చిత్రం. 15ఏళ్ల సినీ ప్రయాణంలో ముప్పై సినిమాలు చేయడం ఆనందంగా ఉంది. వృత్తిని ఎంతగానో ప్రేమిస్తూ ఈ జర్నీని కొనసాగిస్తున్నా. మంచి కథలను ఎంచుకోవడంతో పాటు ఎంతోమంది నూతన దర్శకులను ఇండస్ట్రీకి పరిచయం చేశానని సంతృప్తిగా ఉంది’ అన్నారు సందీప్‌కిషన్‌. ఆయన హీరోగా త్రినాథ రావు నక్కిన దర్శకత్వంలో రాజేష్‌ దండా నిర్మించిన ‘మాజాకా’ చిత్రం ఈ నెల 26న ప్రేక్షకుల ముందుకురానుంది. ఈ సందర్భంగా శనివారం విలేకరులతో సందీప్‌కిషన్‌ పంచుకున్న విశేషాలు..

• గతంలో నేను ‘బీరువా’ ‘వెంకటాద్రి ఎక్స్‌ప్రెస్‌’ వంటి కామెడీ సినిమాలు చేశా. అయితే ఫుల్‌లెంగ్త్‌ ఎంటైర్టెనర్‌ మాత్రం ‘మజాకా’నే. ఇందులో నేను కృష్ణ అనే యువకుడి పాత్రలో కనిపిస్తా. నా తండ్రి పాత్రలో రావు రమేష్‌ నటించారు. మా ఇద్దరిరిని పండగలకు కూడా ఎవరూ పిలవరు. తాగిపడిపోయే తండ్రీకొడుకులనే ముద్ర వేసి దూరం పెడుతుంటారు. ఈ నేపథ్యంలో జరిగే సంఘటనలు, పండే వినోదం ప్రేక్షకులు కడుపుబ్బా నవ్విస్తాయి.
• గత నాలుగు చిత్రాల్లో సీరియస్‌ క్యారెక్టర్స్‌ చేశా. ఓ మంచి ఫ్యామిలీ ఎంటర్‌టైనర్‌ చేయాలనే ఉద్దేశ్యంతో ‘మాజాకా’లో నటించా. ఇప్పటివరకూ రాని కాన్సెప్ట్‌ ఇది. ప్రేక్షకుల్ని సర్‌ప్రైజ్‌ చేసే చాలా అంశాలుంటాయి. సినిమా మొత్తం ఓ లాఫ్‌ రైడ్‌లా అనిపిస్తుంది. రావు రమేష్‌గారి పాత్రకు మంచి పేరొస్తుందనే నమ్మకం ఉంది.
• కథానాయిక రీతూవర్మ వల్ల ఈ కథకు ఫ్రెష్‌నెస్‌ వచ్చింది. తన పాత్ర కథాగమనంలో చాలా కీలకంగా ఉంటుంది. దర్శకుడు త్రినాథరావు సినిమాలంటే నాకు చాలా ఇష్టం. సినిమా తాలూకు గ్రామర్‌ ఆయనకు బాగా తెలుసు. ఓ సీన్‌ని ఎలా తీస్తే బాగా పండుతుందో మంచి అవగాహన ఉంది. అందుకే మంచి హిట్స్‌ కొడుతున్నారు.
• నాకు పీరియాడిక్‌ కథలంటే చాలా ఇష్టం. రాబిన్‌హుడ్‌ కథకు ఫాంటసీ ఎలిమెంట్స్‌ జోడించి సినిమా చేయాలనుంది. అలాగే ‘రాంజన’ వంటి లవ్‌స్టోరీలో నటించాలనుంది. ‘మజాకా’ సినిమా పాటను లైవ్‌షూట్‌లో చూపించాం. తొలిసారి ఇలాంటి ప్రయత్నం చేశామని తెలిసి చాలా సంతోషంగా అనిపించింది.
• దళపతి విజయ్‌గారి అబ్బాయి సంజయ్‌ దర్శకత్వంలో ఓ సినిమా చేస్తున్నా. న్యూఏజ్‌ యాక్షన్‌ ఎంటర్‌టైనర్‌ ఇది. తమిళ, తెలుగు భాషల్లో తెరకెక్కుతున్నది. అలాగే నెట్‌ఫ్లిక్స్‌లో ఓ సిరీస్‌ ఉంది. అలాగే ‘ఫ్యామిలీ మ్యాన్‌-3’ సిరీస్‌ కూడా రాబోతున్నది.