Suriya 43 | కోలీవుడ్ స్టార్ హీరో సూర్య (Suriya) కంగువ సినిమాతో బిజీగా ఉన్నాడని తెలిసిందే. అయితే ఈ సినిమా విడుదల కాకముందే సూర్య43 అంటూ మరో సినిమా మొదలుపెట్టారు. ఆకాశం నీ హద్దురా(Aaksham Nee Haddura) ఫేం డైరెక్టర్ సుధాకొంగర (Sudha Kongara)తో ఈ ప్రాజెక్ట్ చేస్తున్నాడు సూర్య. రీసెంట్గా దీనికి సంబంధించిన సూర్య 43 (Suriya 43) అనౌన్స్మెంట్ వీడియోను షేర్ చేశారు మేకర్స్. కాగా ఈ వీడియోలో సినిమాలో నటించననున్న స్టార్స్ పేర్లు.. సినిమాకు సంబంధించిన స్టోరీ లైన్తో పాటు.. టైటిల్ను కూడా కాస్త రివీల్ చేశారు. ఇదిలా ఉంటే.. తాజాగా ఈ వీడియో సరికొత్త రికార్డును నెలకొల్పింది. తమిళ సూపర్ స్టార్ ఇళయ తళపతి విజయ్ రికార్డును బద్దలుకొట్టింది.
వారసుడు (Varisu) సినిమాకు సంబంధించి డిసెంబర్లో దళపతి విజయ్ (Thalapathy Vijay) ఒక వీడియో పోస్ట్ పోస్ట్ చేశాడు. ఈ వీడియోకే ఇప్పటివరకు ట్విట్టర్లో ఎక్కువ వ్యూస్ (26.2 మిలియన్ వ్యూస్) దక్కించుకున్న ఇండియన్ వీడియోగా రికార్డు ఉంది. అయితే ఆ రికార్డును సూర్య బద్దలుకొట్టాడు. సూర్య తన 43వ చిత్రానికి సంబంధించి అక్టోబర్ 26న ‘సూర్య 43’ వర్కింగ్ టైటిల్తో ఓ అనౌన్స్మెంట్ వీడియోను విడుదల చేసిన విషయం తెలిసిందే. తాజాగా ఈ వీడియో విజయ్ వీడియోను బద్దలుకొట్టి 26.6 మిలియన్ల వ్యూస్తో దూసుకుపోతుంది. కాగా ఈ రెండు వీడియోలు ప్రస్తుతం సోషల్ మీడియాలో మళ్లీ వైరల్ అవుతున్నాయి.
#EnNenjilKudiyirukkum pic.twitter.com/4rbooR4XLa
— Vijay (@actorvijay) December 24, 2022
Dear all we are excited! Joining hands with @Sudha_Kongara again in a @gvprakash musical, his 100th! SO looking forward to work with my brother @dulQuer & the talented #Nazriya & the performance champ @MrVijayVarma Glad @2D_ENTPVTLTD is producing this special film! #Jyotika… pic.twitter.com/wW9iu0jMeR
— Suriya Sivakumar (@Suriya_offl) October 26, 2023
సుధ కొంగర దర్శకత్వంలో వస్తున్న ఈ సినిమాలో సూర్యతో పాటు దుల్కర్ సల్మాన్, విజయ్ వర్మ ప్రధాన పాత్రలు పోషిస్తున్నారు. ఇక ఈ సినిమాకు మ్యూజిక్ జీవీ ప్రకాశ్ కుమార్ అందిస్తుండగా.. అతనికి ఇది 100వ ప్రాజెక్ట్ కావడం విశేషం. ఈ చిత్రానికి Purananooru టైటిల్ను ఫిక్స్ చేసినట్టు తెలుస్తుంది.
మరోవైపు సూర్య హీరోగా పీరియాడిక్ డ్రామా నేపథ్యంలో తెరకెక్కుతున్న కంగువలో బాలీవుడ్ బ్యూటీ దిశాపటానీ ఫీ మేల్ లీడ్ రోల్లో నటిస్తోంది. ఇప్పటికే మేకర్స్ కంగువ నుంచి విడుదల చేసిన టైటిల్ గ్లింప్స్ వీడియో నెట్టింట్లో ట్రెండింగ్ అవుతోంది. ఈ చిత్రాన్ని స్టూడియో గ్రీన్-యూవీ క్రియేషన్స్ బ్యానర్లు సంయుక్తంగా నిర్మిస్తున్నాయి. కంగువ ప్రపంచవ్యాప్తంగా 2డీ, 3డీ ఫార్మాట్లలో 10 భాషల్లో గ్రాండ్గా విడుదల కానుంది.