SS Rajamouli | మహేశ్బాబు, రాజమౌళి కాంబినేషన్ అనుకున్నప్పటినుంచీ.. ఈ సినిమాపై ఏ చిన్న విషయం బయటకొచ్చినా క్షణాల్లో వైరల్గా మారుతున్నది. కొందరైతే.. ఉన్నవీ లేనివీ కూడా కల్పించుకొని మరీ ఈ సినిమాపై వార్తలు రాసేస్తున్నారు. ఈ సినిమాకు ‘మహారాజ్’ అనే టైటిల్ ఖరారు చేశారనే వార్త రీసెంట్గా సామాజిక మాధ్యమాల్లో బాగా వైరల్ అయింది. ఇలాంటి వార్తలన్నింటికీ చెక్ పెట్టేశారు దర్శకుడు ఎస్.ఎస్.రాజమౌళి.
తాజాగా ఆయన బళ్లారిలోని అమృతేశ్వర ఆలయ ప్రారంభోత్సవానికి కుటుంబసమేతంగా హాజరయ్యారు. ఈ సందర్భంగా మహేశ్ సినిమా గురించి అక్కడి మీడియాతో మాట్లాడారు. ‘మహేశ్తో సినిమా చేస్తున్నా. త్వరలోనే షూటింగ్ మొదలుకానుంది. పేరైతే ఇంకా ఫైనల్ కాలేదు.’ అని చెప్పుకొచ్చారు. ప్రస్తుతం ఈ వీడియోను బాగా వైరల్ అవుతున్నది. ఇక ఈ సినిమా విషయానికొస్తే.. ఆఫ్రికా అడవుల నేపథ్యంలో సాగే ట్రజర్ హంట్ మూవీగా దర్శకధీరుడు ఈ సినిమాను తెరకెక్కిస్తున్నాడనేది విశ్వసనీయ సమాచారం. మిగతా వివరాలు తెలియాల్సివుంది.