Sreeleela | శ్రీలీల సంచలన నిర్ణయం.. రెమ్యునరేషన్ తగ్గించుకుంటోందా, వరుస ఫ్లాపుల ఎఫెక్ట్‌తో కొత్త ప్లాన్!

Sreeleela | సినిమా ఇండస్ట్రీలో హీరోయిన్ల కెరీర్ ఎప్పుడు ఎలాంటి మలుపు తిరుగుతుందో చెప్పడం కష్టం. ఒక సినిమా హిట్ అయితే అవకాశాలు క్యూ కడతాయి. అదే వరుసగా కొన్ని సినిమాలు పరాజయం పాలైతే అవకాశాల విషయంలో ఒడిదుడుకులు ఎదురవుతాయి. అయితే టాలీవుడ్ యంగ్ హీరోయిన్ శ్రీలీల విషయంలో మాత్రం పరిస్థితి కాస్త భిన్నంగా కనిపిస్తోంది. తెలుగులో ఆమె నటించిన కొన్ని సినిమాలు బాక్సాఫీస్ వద్ద ఆశించిన విజయాన్ని అందుకోకపోయినా, అవకాశాల విషయంలో మాత్రం ఈ బ్యూటీ వెనక్కి తగ్గడం లేదు.

Sreeleela | సినిమా ఇండస్ట్రీలో హీరోయిన్ల కెరీర్ ఎప్పుడు ఎలాంటి మలుపు తిరుగుతుందో చెప్పడం కష్టం. ఒక సినిమా హిట్ అయితే అవకాశాలు క్యూ కడతాయి. అదే వరుసగా కొన్ని సినిమాలు పరాజయం పాలైతే అవకాశాల విషయంలో ఒడిదుడుకులు ఎదురవుతాయి. అయితే టాలీవుడ్ యంగ్ హీరోయిన్ శ్రీలీల విషయంలో మాత్రం పరిస్థితి కాస్త భిన్నంగా కనిపిస్తోంది. తెలుగులో ఆమె నటించిన కొన్ని సినిమాలు బాక్సాఫీస్ వద్ద ఆశించిన విజయాన్ని అందుకోకపోయినా, అవకాశాల విషయంలో మాత్రం ఈ బ్యూటీ వెనక్కి తగ్గడం లేదు. పైగా ఇతర భాషల్లోనూ వరుసగా భారీ ప్రాజెక్టుల్లో అవకాశాలు అందుకుంటూ తన కెరీర్‌ను కొత్త దిశగా తీసుకెళ్తోంది. ఇదిలా ఉంటే తాజాగా శ్రీలీలకు సంబంధించిన రెమ్యునరేషన్ వార్తలు ఇండస్ట్రీలో ఆసక్తికరంగా మారాయి.

శ్రీలీలకు టాలీవుడ్‌లో మంచి గుర్తింపు తీసుకొచ్చిన సినిమాల్లో ‘పెళ్లి సందడి’ ఒకటి. ఈ సినిమా తర్వాత రవితేజ హీరోగా నటించిన ‘ధమాకా’ ఆమె కెరీర్‌ను ఒక్కసారిగా మలుపు తిప్పింది. ఈ సినిమా మంచి విజయం సాధించడంతో శ్రీలీలకు వరుస అవకాశాలు వచ్చాయి. తన అందం, అభినయం, ఎనర్జిటిక్ డ్యాన్స్‌తో ప్రేక్షకులను ఆకట్టుకుంది. ముఖ్యంగా డ్యాన్స్ విషయంలో శ్రీలీలకు ప్రత్యేకమైన గుర్తింపు లభించింది. అద్భుతమైన గ్రేస్‌తో స్టెప్పులు వేయగలగడం ఆమెకు అదనపు బలంగా మారింది. దీంతో యువ హీరోలతో పాటు అగ్ర హీరోల సినిమాల్లోనూ నటించే అవకాశాలు దక్కాయి. తక్కువ సమయంలోనే టాలీవుడ్‌లో బిజీ హీరోయిన్‌గా మారిపోయింది.

అయితే కెరీర్ ప్రారంభంలో వచ్చిన విజయాల తర్వాత శ్రీలీల నటించిన కొన్ని సినిమాలు బాక్సాఫీస్ వద్ద ఆశించిన ఫలితాలను అందుకోలేకపోయాయి. భారీ అంచనాల మధ్య విడుదలైన చిత్రాలు కూడా నిరాశపరచడంతో ఆమె కెరీర్‌పై రకరకాల చర్చలు మొదలయ్యాయి. అయినప్పటికీ శ్రీలీలకు అవకాశాలు తగ్గలేదు. శ్రీలీల ఇప్పటికే శివకార్తికేయన్ హీరోగా నటించిన ‘పరాశక్తి’ సినిమాతో తమిళ ప్రేక్షకులకు పరిచయమైంది. అలాగే ధనుష్, మమ్ముట్టి కీలక పాత్రల్లో నటిస్తున్న ‘ఓం’ సినిమాలోనూ భాగమైంది. ఇందులో ఆమె రోజా అనే పాత్రలో కనిపించనున్నట్లు సమాచారం. ఇదే కాకుండా సూపర్ స్టార్ రజనీకాంత్ నటిస్తున్న ‘ధర్మన్’ సినిమాలోనూ శ్రీలీలకు అవకాశం దక్కినట్లు వార్తలు వినిపిస్తున్నాయి. కమల్ హాసన్ నిర్మాణంలో అశ్వత్ మారిముత్తు తెరకెక్కిస్తున్న ఈ ప్రాజెక్టుపై కూడా ఆసక్తి నెలకొంది. మరోవైపు అజిత్ కుమార్ నటిస్తున్న ‘డేర్‌డెవిల్’ సినిమాలోనూ ఆమె నటించబోతున్నట్లు ప్రచారం జరుగుతోంది.

ఇదిలా ఉంటే శ్రీలీలకు సంబంధించి ప్రస్తుతం వినిపిస్తున్న మరో ఆసక్తికరమైన వార్త ఆమె రెమ్యునరేషన్‌కు సంబంధించినది. వరుస సినిమాలు చేస్తున్నప్పటికీ, కొన్ని చిత్రాలు ఆశించిన విజయాన్ని అందుకోకపోవడంతో ఆమె తన పారితోషికాన్ని తగ్గించుకునే ఆలోచనలో ఉందనే ప్రచారం జరుగుతోంది. ఇప్పటివరకు తనకున్న క్రేజ్, డిమాండ్‌ను బట్టి పారితోషికం తీసుకున్న శ్రీలీల.. ఇప్పుడు నిర్మాతలకు మరింత అందుబాటులో ఉండేలా రెమ్యునరేషన్ విషయంలో సర్దుబాటు చేసుకోవాలని భావిస్తున్నట్లు టాక్ వినిపిస్తోంది. అయితే ఆమె నిజంగానే పారితోషికం తగ్గించుకున్నారా? ఎంత మేరకు తగ్గించారు? అనే విషయాలపై ఎలాంటి అధికారిక ప్రకటన లేదు.