ఇక ప్రయోగాలకు ప్రాధాన్యం

సినిమాల ఎంపికలో సెలెక్టివ్‌గా ఉండాలని నిర్ణయించుకుందట అచ్చ తెలుగందం శ్రీలీల. ప్రస్తుతం దక్షిణాదితో పాటు హిందీలో రెండు చిత్రాల్లో నటిస్తూ బిజీగా ఉందీ భామ. సక్సెస్‌ఫెయిల్యూర్స్‌తో సంబంధం లేకుండా భారీ ఆఫర్లలొస్తున్నప్పటికీ..ఇక ముందు పర్‌ఫార్మెన్స్‌ పరంగా ఛాలెజింగ్‌ రోల్స్‌ని ఎంచుకోవాలని ఈ సొగసరి గట్టి నిర్ణయం తీసుకుందట.

సినిమాల ఎంపికలో సెలెక్టివ్‌గా ఉండాలని నిర్ణయించుకుందట అచ్చ తెలుగందం శ్రీలీల. ప్రస్తుతం దక్షిణాదితో పాటు హిందీలో రెండు చిత్రాల్లో నటిస్తూ బిజీగా ఉందీ భామ. సక్సెస్‌ఫెయిల్యూర్స్‌తో సంబంధం లేకుండా భారీ ఆఫర్లలొస్తున్నప్పటికీ.. ఇక ముందు పర్‌ఫార్మెన్స్‌ పరంగా ఛాలెజింగ్‌ రోల్స్‌ని ఎంచుకోవాలని ఈ సొగసరి గట్టి నిర్ణయం తీసుకుందట. గత ఏడాది తెలుగులో పెద్ద చిత్రాల్లో నటించినా ఆశించిన విజయాలు మాత్రం దక్కలేదు. ఈ నేపథ్యంలో కథల విషయంలో మరింత జాగ్రత్తగా ఉండాలని, కమర్షియల్‌ మూవీస్‌లో కూడా ప్రయోగాత్మక కథలకు ప్రాధాన్యత ఇవ్వాలనే ఆలోచనలో ఆమె ఉందని అంటున్నారు.

ఈ నేపథ్యంలో తమిళ అరంగేట్ర చిత్రం ‘పరాశక్తి’పై ఎన్నో అంచనాల్ని పెట్టుకుంది శ్రీలీల. ఈ నెల 10న ఈ చిత్రం ప్రేక్షకుల ముందుకురానుంది. రత్నమాల పాత్రలో ఆమె లుక్స్‌తో పాటు ప్రచార చిత్రాలకు మంచి స్పందన లభించింది. తన కెరీర్‌లోనే అభినయపరంగా ఇదొక వైవిధ్యమైన పాత్ర అని శ్రీలీల చెబుతున్నది. ప్రస్తుతం ఈ భామ హిందీలో అనురాగ్‌బసు దర్శకత్వంలో ‘ఆషికీ-3’ చిత్రంతో పాటు సైఫ్‌అలీఖాన్‌ తనయుడు ఇబ్రహీంఖాన్‌తో కలిసి ‘డైలెర్‌’ అనే స్పోర్ట్స్‌ డ్రామాలో నటిస్తున్నది. పవన్‌కల్యాణ్‌ సరసన ఆమె నటించిన ‘ఉస్తాద్‌ భగత్‌సింగ్‌’ వేసవిలో రిలీజ్‌ కానుంది.