ఐటమ్‌గా శ్రీవిష్ణు?

హీరో శ్రీవిష్ణు స్పీడ్‌గా సినిమాలు చేస్తూ దూసుకుపోతున్నారు. ప్రస్తుతం ఆయన చేతిలో రెండు సినిమాలున్నాయి. వాటిలో ఒకటి గీతాఆర్ట్స్‌ నిర్మిస్తున్న ‘సింగిల్‌' సినిమా.

హీరో శ్రీవిష్ణు స్పీడ్‌గా సినిమాలు చేస్తూ దూసుకుపోతున్నారు. ప్రస్తుతం ఆయన చేతిలో రెండు సినిమాలున్నాయి. వాటిలో ఒకటి గీతాఆర్ట్స్‌ నిర్మిస్తున్న ‘సింగిల్‌’ సినిమా. దీనికి కార్తీక్‌ దర్శకుడు. అలాగే ‘మృత్యుంజయ్‌’ అనే థ్రిల్లర్‌ సినిమా కూడా చేస్తున్నాడు శ్రీవిష్ణు. ఆ సినిమాకు దర్శకుడు హుస్సేన్‌ షా కిరణ్‌. ఇప్పుడు తాజాగా మూడో సినిమాక్కూడా ఆయన సైన్‌ చేసినట్టు ఫిల్మ్‌ వర్గాల సమాచారం. ‘స్వాతిముత్యం’ఫేం లక్ష్మణ్‌ కె.కృష్ణ ఈ చిత్రానికి దర్శకత్వం వహిస్తున్నారట.

ఈ సినిమా షూటింగ్‌ ఇప్పటికే మొదలైందని, ‘ఐటమ్‌’ అనే వర్కింగ్‌ టైటిల్‌తో షూటింగ్‌ కూడా కానిచ్చేస్తున్నారని తెలుస్తున్నది. దాదాపు ఈ టైటిలే ఫైనల్‌ కూడా కావొచ్చని సమాచారం. తన తొలి సినిమా ‘స్వాతిముత్యం’ మాదిరిగానే ‘ఐటమ్‌’ సినిమాను కూడా ఆద్యంతం వినోదాత్మకంగా దర్శకుడు లక్ష్మణ్‌ కె.కృష్ణ తెరకెక్కిస్తున్నారని వినికిడి. సితార ఎంటైర్టెన్మెంట్స్‌ పతాకంపై సూర్యదేవర నాగవంశీ ఈ చిత్రాన్ని నిర్మిస్తున్నట్టు వార్తలొస్తున్నాయి. త్వరలో టైటిల్‌ని కూడా అనౌన్స్‌ చేస్తారట.