Actor Vijayakanth | విజ‌య్ కాంత్ స‌ర్ మీకు జీవితాంతం రుణపడి ఉంటాను : సోనుసూద్

Vijayakanth | తమిళ నటుడు, డీఎండీకే (దేశీయ ముర్పోక్కు ద్రావిడ కజగం) అధినేత కెప్టెన్‌ విజయకాంత్‌ (Vijayakanth) కన్నుమూసిన విషయం తెలిసిందే. శ్వాస సంబంధిత సమస్యతో చెన్నైలోని మియోట్‌ దవాఖానలో చేరగా.. కొవిడ్‌ నిర్ధారణ అయింది. ఊపిరి తీసుకోవడానికి ఇబ్బంది పడుతుండటంతో వెంటిలేటర్‌పై ఉంచి చికిత్స అందిస్తుండగా.. విజయకాంత్‌ తుదిశ్వాస విడిచారు.

Vijayakanth | తమిళ నటుడు, డీఎండీకే (దేశీయ ముర్పోక్కు ద్రావిడ కజగం) అధినేత కెప్టెన్‌ విజయకాంత్‌ (Vijayakanth) కన్నుమూసిన విషయం తెలిసిందే. శ్వాస సంబంధిత సమస్యతో చెన్నైలోని మియోట్‌ దవాఖానలో చేరగా.. కొవిడ్‌ నిర్ధారణ అయింది. ఊపిరి తీసుకోవడానికి ఇబ్బంది పడుతుండటంతో వెంటిలేటర్‌పై ఉంచి చికిత్స అందిస్తుండగా.. విజయకాంత్‌ తుదిశ్వాస విడిచారు. నటుడిగా, రాజకీయవేత్తగా ప్రజల్లో చెరగని ముద్ర వేసుకున్న విజయ్‌ కాంత్ మృతి పట్ల యావత్‌ తమిళ ప్రజలతోపాటు ప్రపంచవ్యాప్తంగా ఉన్న అభిమానులు శోకసంద్రంలో మునిగిపోయారు.

మరోవైపు సినీ, రాజకీయ ప్రముఖులంతా ఆయన మృతిపై సంతాపం తెలుపుతూ పోస్టులు పెడుతున్నారు. ఆయనతో ఉన్న అనుబంధాన్ని గుర్తుచేసుకుంటున్నారు. తాజాగా బాలీవుడ్ న‌టుడు సోనుసూద్ కూడా విజ‌య్ కాంత్ మృతిపై సోష‌ల్ మీడియా వేదిక‌గా ఒక‌ ఎమోష‌న‌ల్ పోస్ట్ పెట్టాడు.

”క‌ల్ల‌జ్‌గ‌ర్ నా మొదటి సినిమా. నా మొదటి సినిమాతోనే లెజెండ్ విజయకాంత్‌తో కలిసి నటించే అవకాశం రావడం నా అదృష్టం. ఎన్నో సలహాలిచ్చారు. విజ‌య్ కాంత్ స‌ర్ మీకు జీవితాంతం రుణపడి ఉంటాను” అంటూ సోనుసూద్ రాసుకోచ్చాడు.

“Kallazgar “ my first film ever , was a gift from the legend “ VIJAYKANTH” sir.. He came across this still of mine and in no time I was filming with him.. I owe my career to him .. Will miss you so much sir. RIP CAPTAIN 💔 pic.twitter.com/Zb4kaipBtV

— sonu sood (@SonuSood) December 28, 2023

71 ఏండ్ల విజయకాంత్‌ ఏడాది కాలంగా తీవ్ర అనారోగ్య సమస్యలతో బాధపడుతున్నారు. నవంబర్‌ 18న జలుబు, దగ్గు, గొంతునొప్పి వంటి సమస్యలతో చెన్నైలోని మియోట్‌ దవాఖానలో చేరారు. చికిత్స అనంతరం కోలుకుని డిసెంబర్‌ 11న ఇంటికి చేరుకున్నారు. అయితే రెండు వారాలు గడువకముందే ఆయన కొవిడ్‌ బారినపడటం, మరోసారి శ్వాస సంబంధిత సమస్యలు తలెత్తగా పరిస్థితి విషమించడంతో ఉదయం తుదిశ్వాస విడిచారు. తమిళ సినీ పరిశ్రమలో తనదైన ముద్ర వేసిన విజయకాంత్‌.. ఆ తర్వాత ఆయన రాజకీయాల్లో సైతం అడుగుపెట్టారు. 2005లో డీఎండీకే పార్టీని స్థాపించారు.