Sodhara Movie | బ్రోమాంటిక్ స్టోరీతో వస్తున్న సంపూర్ణేష్ బాబు ‘సోద‌రా’

Sodhara Movie | హృద‌య కాలేయం (Hrudaya Kaleyam) చిత్రంతో ప్రేక్ష‌కుల ముందుకు వ‌చ్చి బ‌ర్నింగ్ స్టార్‌గా అంద‌రి హృద‌యాల‌ను గెల‌చుకున్నాడు సంపూర్ణేష్ బాబు (Sampoornesh Babu).

Sodhara Movie | వైవిధ్యమైన సినిమాలతో ప్రేక్షకులను అలరిస్తూ, హీరోగా తనకంటూ ప్రత్యేక గుర్తింపు సంపాదించుకున్న సంపూర్ణేష్ బాబు(Sampoornesh Babu). ఈసారి అన్నదమ్ముల అనుబంధాన్ని కథాంశంగా తీసుకుని “సోదరా” అనే ఎంటర్‌టైనర్‌తో ప్రేక్షకుల ముందుకు వస్తున్నాడు. ఈ చిత్రంలో సంపూర్ణేష్ బాబుతో పాటు సంజోష్ కూడా కీలక పాత్రలో కనిపించనున్నాడు. సంపూర్ణేష్ బాబు, సంజోష్, ప్రాచీ బంసాల్, ఆరతి గుప్తా హీరో హీరోయిన్లుగా నటిస్తున్న ఈ సినిమా, చిత్రీకరణ పూర్తి చేసుకుని, పోస్ట్-ప్రొడక్షన్ పనులను వేగంగా జరుపుకుంటూ ఏప్రిల్ 11, 2025న వేసవి సీజన్‌లో థియేటర్లలో విడుదలకు సిద్ధమవుతోంది.

మన్ మోహన్ మేనంపల్లి దర్శకత్వంలో, క్యాన్ ఎంటర్‌టైన్‌మెంట్స్ బ్యానర్‌పై చంద్ర చగంలా నిర్మిస్తున్న ఈ చిత్రం అన్నదమ్ముల బంధాన్ని వెండితెరపై ఆవిష్కరించనుంది. దర్శకుడు మాట్లాడుతూ.. “అన్నదమ్ముల బంధం గురించి ప్రతి ఒక్కరికీ తెలిసిన విషయమే. ఈ సినిమా ఆ బంధాన్ని అద్భుతంగా చూపిస్తుంది. ఇప్పటికే విడుదలైన ఫస్ట్ లుక్ పోస్టర్ మరియు నాలుగు పాటలు ప్రేక్షకుల నుండి సానుకూల స్పందన పొందాయి. తెలుగు సినిమాల్లో సోదరుల అనుబంధాన్ని ప్రతిబింబించేలా ఈ చిత్రం రూపొందింది. ఈ వేసవిలో ‘సోదరా’ ప్రేక్షకులను ఖచ్చితంగా అలరిస్తుందని నమ్ముతున్నాం,” అని అన్నారు.

నిర్మాత చంద్ర చగంలా మాట్లాడుతూ, “సంపూర్ణేష్ బాబు నుండి ప్రేక్షకులు ఆశించే ఎంటర్‌టైన్‌మెంట్‌తో పాటు, ఆయనలోని కొత్త కోణాన్ని ఈ సినిమాలో చూస్తారు. ఈ చిత్రం విజయం సాధిస్తుందనే ఆశాభావం ఉంది,” అని తెలిపారు. “సోదరా” ఈ వేసవిలో అన్నదమ్ముల బంధాన్ని ఆవిష్కరిస్తూ, ప్రేక్షకులకు ఎంటర్‌టైన్‌మెంట్‌తో కూడిన కొత్త అనుభవాన్ని అందించనుంది. ఏప్రిల్ 11న థియేటర్లలో ఈ చిత్రాన్ని ఆదరించాలని చిత్ర బృందం కోరుతోంది.

నటీనటులు:
సంపూర్ణేష్ బాబు, సంజోష్, ప్రాచీ బంసాల్, ఆరతి గుప్తా, బాబా భాస్కర్, బాబు మోహన్, గెటప్ శీను మరియు ఇతరులు.

సాంకేతిక బృందం:

కథ & దర్శకత్వం: మన్ మోహన్ మేనంపల్లి

నిర్మాణ సంస్థ: క్యాన్ ఎంటర్‌టైన్‌మెంట్స్

నిర్మాత: చంద్ర చగంలా

సంగీతం: సునీల్ కశ్యప్

సినిమాటోగ్రఫీ: జాన్

ఎడిటింగ్: శివశర్వాణి

లిరిక్స్: సుద్దాల అశోక్ తేజ, పూర్ణ చారి