Sing Geetham | ఓటీటీలోకి వచ్చేసిన ‘సింగ్ గీతం’.. విడుదలైన‌ 26 రోజులకే నెట్‌ఫ్లిక్స్‌లో స్ట్రీమింగ్!

Sing Geetham | తెలుగు సినీ పరిశ్రమలో ప్రయోగాత్మక చిత్రాలకు ప్రత్యేక గుర్తింపు తీసుకొచ్చిన దిగ్గజ దర్శకుడు సింగీతం శ్రీనివాసరావు మరోసారి తన ప్రత్యేక శైలిని ప్రేక్షకుల ముందుకు తీసుకొచ్చారు. 94 ఏళ్ల వయసులో ఆయన తెరకెక్కించిన మ్యూజికల్ ఫాంటసీ చిత్రం ‘సింగ్ గీతం’ ఇటీవల థియేటర్లలో విడుదలై విమర్శకుల ప్రశంసలు అందుకున్న సంగతి తెలిసిందే.

Sing Geetham | తెలుగు సినీ పరిశ్రమలో ప్రయోగాత్మక చిత్రాలకు ప్రత్యేక గుర్తింపు తీసుకొచ్చిన దిగ్గజ దర్శకుడు సింగీతం శ్రీనివాసరావు మరోసారి తన ప్రత్యేక శైలిని ప్రేక్షకుల ముందుకు తీసుకొచ్చారు. 94 ఏళ్ల వయసులో ఆయన తెరకెక్కించిన మ్యూజికల్ ఫాంటసీ చిత్రం ‘సింగ్ గీతం’ ఇటీవల థియేటర్లలో విడుదలై విమర్శకుల ప్రశంసలు అందుకున్న సంగతి తెలిసిందే. ఇప్పుడు ఈ చిత్రం ఓటీటీ ప్రేక్షకులను అలరించేందుకు సిద్ధమైంది. వాస్తవానికి ఈ సినిమా జూలై 9, 2026 నుంచి ఓటీటీలో స్ట్రీమింగ్ కానుందని ప్రకటించారు. అయితే నిర్ణయించిన తేదీ కంటే ఒక రోజు ముందుగానే ఈ చిత్రాన్ని ప్రముఖ ఓటీటీ వేదిక నెట్‌ఫ్లిక్స్ అందుబాటులోకి తీసుకొచ్చింది. ప్రస్తుతం ‘సింగ్ గీతం’ తెలుగు, తమిళం, హిందీ, కన్నడ, మలయాళం భాషల్లో స్ట్రీమింగ్ అవుతోంది.

ఐదు భాషల్లో విడుదల కావడంతో ఈ చిత్రానికి దేశవ్యాప్తంగా మరింత విస్తృతమైన ప్రేక్షకాదరణ లభించే అవకాశం కనిపిస్తోంది.ఈ చిత్రానికి మరో ప్రత్యేకత కూడా ఉంది. థియేటర్లలో విడుదలైన కేవలం 26 రోజుల వ్యవధిలోనే ఓటీటీలోకి రావడం విశేషం. సాధారణంగా పెద్ద సినిమాలు 4 నుంచి 8 వారాల తర్వాత డిజిటల్ వేదికల్లోకి వస్తుంటాయి. కానీ ‘సింగ్ గీతం’ మాత్రం చాలా తక్కువ సమయంలోనే ఓటీటీ ప్రేక్షకుల ముందుకు వచ్చింది. దీంతో థియేటర్లలో మిస్ అయిన వారు ఇప్పుడు ఇంటి వద్ద నుంచే ఈ ప్రయోగాత్మక చిత్రాన్ని వీక్షించే అవకాశం పొందుతున్నారు. ‘సింగ్ గీతం’ చిత్రాన్ని ప్రముఖ దర్శకుడు నాగ్ అశ్విన్ నిర్మించారు. ఈ సినిమాతో అహిల్యా బమ్రూ, అయాన్ తెలుగు తెరకు హీరోహీరోయిన్లుగా పరిచయమయ్యారు. వీరిద్దరి నటనకు ఇప్పటికే మంచి స్పందన లభిస్తోంది. అలాగే శాలిని కొండేపూడి, తులసి శివమణి, బెనర్జీ, శివనారాయణ, రాచా రవి తదితరులు కీలక పాత్రల్లో నటించారు.

అంతేకాకుండా రాహుల్ రవీంద్రన్, నివేదా పేతురాజ్, విజయ్ దేవరకొండ ప్రత్యేక పాత్రల్లో కనిపించడం సినిమాపై మరింత ఆసక్తిని పెంచింది. ప్రముఖ నిర్మాణ సంస్థ వైజ‌యంతి మూవీస్ సమర్పణలో రూపొందిన ఈ చిత్రానికి సంగీతాన్ని దేవి శ్రీ ప్రసాద్ అందించారు. సినిమాలోని పాటలు, నేపథ్య సంగీతం ప్రేక్షకుల నుంచి మంచి ప్రశంసలు అందుకున్నాయి. ముఖ్యంగా కథనానికి అనుగుణంగా డీఎస్పీ అందించిన సంగీతం చిత్రానికి ప్రధాన బలంగా నిలిచిందని సినీ విశ్లేషకులు అభిప్రాయపడుతున్నారు. థియేటర్లలో విమర్శకుల ప్రశంసలు అందుకున్న ‘సింగ్ గీతం’ ఇప్పుడు ఓటీటీలో ఎలాంటి స్పందన దక్కించుకుంటుందో ఆసక్తికరంగా మారింది. వినూత్న కథ, సంగీతం, ఫాంటసీ అంశాలతో రూపొందిన ఈ చిత్రం డిజిటల్ ప్రేక్షకులను ఎంతవరకు ఆకట్టుకుంటుందో చూడాలి.