ఆ నవ్వులు చూస్తుంటే హ్యాపీగా ఉంది

‘ఈ సినిమా విషయంలో దర్శకుడ్ని గుడ్డిగా నమ్మేశాను. నా నమ్మకాన్ని నిజం చేస్తూ మంచి రిజల్ట్‌ ఇచ్చారు. ఈ సందర్భంగా శ్రీనువైట్లకు థ్యాంక్స్‌ చెప్పుకుంటున్నా. థియేటర్‌లో ప్రతి సన్నివేశాన్నీ ఆడియన్స్‌ ఎంజాయ్‌ చేస్తున్నారు. వారి నవ్వులు చూస్తుంటే చాలా హ్యాపీగా ఉంది. ఇందులో చిన్నపాప సెంటిమెంట్‌ కూడా బాగా వర్కవుట్‌ అయింది.

‘ఈ సినిమా విషయంలో దర్శకుడ్ని గుడ్డిగా నమ్మేశాను. నా నమ్మకాన్ని నిజం చేస్తూ మంచి రిజల్ట్‌ ఇచ్చారు. ఈ సందర్భంగా శ్రీనువైట్లకు థ్యాంక్స్‌ చెప్పుకుంటున్నా. థియేటర్‌లో ప్రతి సన్నివేశాన్నీ ఆడియన్స్‌ ఎంజాయ్‌ చేస్తున్నారు. వారి నవ్వులు చూస్తుంటే చాలా హ్యాపీగా ఉంది. ఇందులో చిన్నపాప సెంటిమెంట్‌ కూడా బాగా వర్కవుట్‌ అయింది. ప్రేక్షకులు ఓన్‌ చేసుకుంటే సినిమాను ఎంత దూరమైనా తీసుకెళ్తారని ఈ సినిమా నిరూపించింది.’ అని గోపీచంద్‌ అన్నారు. ఆయన హీరోగా శ్రీనువైట్ల దర్శకత్వంలో రూపొందిన చిత్రం ‘విశ్వం’. టీజీ విశ్వప్రసాద్‌ నిర్మాత. ఈ నెల 11న సినిమా విడుదలైంది. హైదరాబాద్‌లో నిర్వహించిన సక్సెస్‌మీట్‌లో గోపీచంద్‌ మాట్లాడారు. ‘నా బలం కామెడీ అని అందరూ చెప్తారు. ఆ కామెడీనే ఈ సినిమా హిట్‌కి కారణమైంది. ఆడియన్స్‌కి ఈ సినిమా నచ్చడానికి ముఖ్య కారణాలు మదర్‌ ఎమోషన్‌, పాప ట్రాక్‌. వీటికితోడు మంచి యాక్షన్‌ ఉంది. కాబట్టే ఇంత విజయం దక్కింది. ప్రతి టెక్నీషియన్‌ ఈ సినిమా పెద్ద హిట్‌ కావాలని పనిచేశారు. గోపీచంద్‌ ఫ్రీడమ్‌ ఇచ్చి, సపోర్ట్‌గా నిలబడ్డారు. అందరూ ప్రాణం పెట్టి పనిచేశారు కాబట్టే ఈ విజయం’ అని శ్రీను వైట్ల చెప్పారు. ఇంకా నరేశ్‌, అనిషా అంబ్రోస్‌, పృధ్వీ, మ్యూజిక్‌ డైరెక్టర్‌ చేతన్‌ భరద్వాజ్‌, డీవోపీ గుహన్‌, ఎడిటర్‌ అమర్‌ కూడా మాట్లాడారు.