పిల్లలకోసం పాట్లు..

విక్రాంత్‌, చాందినీ చౌదరి జంటగా నటిస్తున్న రొమాంటిక్‌ కామెడీ ఎంటైర్టెనర్‌ ‘సంతాన ప్రాప్తిరస్తు’. సంజీవ్‌రెడ్డి దర్శకుడు. మధుర శ్రీధర్‌రెడ్డి, నిర్వి హరిప్రసాద్‌రెడ్డి నిర్మాతలు. వెంకటాద్రి ఎక్స్‌ప్రెస్‌, ఎక్స్‌ప్రెస్‌ రాజా, ఏక్‌ మినీకథ చిత్రాలకు స్క్రీన్‌ప్లే అందించిన షేక్‌ దావూద్‌జీ ఈ చిత్రానికి స్క్రీన్‌ప్లే అందిస్తున్నారు.

విక్రాంత్‌, చాందినీ చౌదరి జంటగా నటిస్తున్న రొమాంటిక్‌ కామెడీ ఎంటైర్టెనర్‌ ‘సంతాన ప్రాప్తిరస్తు’. సంజీవ్‌రెడ్డి దర్శకుడు. మధుర శ్రీధర్‌రెడ్డి, నిర్వి హరిప్రసాద్‌రెడ్డి నిర్మాతలు. వెంకటాద్రి ఎక్స్‌ప్రెస్‌, ఎక్స్‌ప్రెస్‌ రాజా, ఏక్‌ మినీకథ చిత్రాలకు స్క్రీన్‌ప్లే అందించిన షేక్‌ దావూద్‌జీ ఈ చిత్రానికి స్క్రీన్‌ప్లే అందిస్తున్నారు. త్వరలో సినిమా థియేటర్లలో విడుదల కానుంది. ప్రమోషన్‌లో భాగంగా ఈ సినిమా టీజర్‌ని అగ్ర దర్శకుడు సందీప్‌రెడ్డి వంగా రిలీజ్‌ చేశారు. ట్రైలర్‌ చాలాబావుందని, సినిమా కూడా తప్పకుండా ఘన విజయం సాదించాలని సందీప్‌రెడ్డి వంగా ఆశాభావం వ్యక్తం చేశారు. స్పెర్మ్‌ కౌంట్‌ తక్కువ కావడంతో తల్లిదండ్రులు కాలేకపోయిన ఓ జంట.. డాక్టర్లను ఆశ్రయించారు. వారి సలహాతో డైట్‌ ఫాలో అవుతూ వందరోజుల్లో తన భార్యను గర్భవతిని చేయాలనే ప్రయత్నాలు మొదలుపెడతాడు భర్త. మరి ఆ ప్రయత్నంలో తను సఫలం అయ్యాడా? అనేది ఈ సినిమా కథ. అదే కంటెంట్‌ని టీజర్‌లో కూడా చూపించారు. వెన్నెల కిశోర్‌, అభినవ్‌ గోమటం, మురళీధర్‌గౌడ్‌ తదితరులు ఇతర పాత్రధారులు. ఈ చిత్రానికి మాటలు: కల్యాణ్‌ రాఘవ్‌, కెమెరా: మహిరెడ్డి పండుగుల, సంగీతం: సునీల్‌ కశ్యప్‌.