Visit:
Sharwanand | 2026 సంక్రాంతి బాక్సాఫీస్ వద్ద సినిమాల జాతర మొదలైంది. ఈ ఏడాది పోటీలో ‘ది రాజాసాబ్’, ‘మన శంకరవరప్రసాద్ గారు’, ‘భర్త మహాశయులకు విజ్ఞప్తి’, ‘అనగనగా ఒక రాజు’ వంటి భారీ చిత్రాలు నిలిచినప్పటికీ, వాటన్నింటినీ వెనక్కి నెట్టి చార్మింగ్ స్టార్ శర్వానంద్ నటించిన ‘నారి నారి నడుమ మురారి’ అసలైన సంక్రాంతి విజేతగా నిలిచింది. తనదైన కామెడీ టైమింగ్ మరియు పీక్ ఎమోషన్స్తో శర్వానంద్ బాక్సాఫీస్ వద్ద రికార్డులు సృష్టిస్తున్నారు.
థియేటర్ల వద్ద పండగ వాతావరణం నెలకొంది. విడుదలైన మొదటి ఆట నుంచే పాజిటివ్ టాక్ రావడంతో ఫ్యామిలీ ఆడియన్స్ థియేటర్లకు క్యూ కడుతున్నారు. కథలో ఉన్న స్వచ్ఛమైన హాస్యం, కుటుంబ విలువలు మహిళా ప్రేక్షకులను విశేషంగా ఆకట్టుకుంటున్నాయి. మరోవైపు శర్వానంద్ మార్కు మేనరిజమ్స్, హీరోయిన్లు సమ్యూక్త మరియు సాక్షి వైద్యల నటన యువతను ఆకర్షిస్తోంది. థియేటర్లలో ప్రతి సీన్కు వినిపిస్తున్న చప్పట్లు, విజిల్స్ చూస్తుంటే శర్వానంద్ ఖాతాలో మరో భారీ హిట్ చేరినట్లు స్పష్టమవుతోంది.
దర్శకుడు రామ్ అబ్బరాజు ఎక్కడా బోర్ కొట్టకుండా పక్కా కమర్షియల్ ఎలిమెంట్స్తో సినిమాను అద్భుతంగా తీర్చిదిద్దారు. విశాల్ చంద్రశేఖర్ అందించిన సంగీతం, ముఖ్యంగా యాజిన్ నిజార్ పాడిన పాటలు సినిమాకు ప్రధాన బలంగా నిలిచాయి. ఏకే ఎంటర్టైన్మెంట్స్ అధినేత అనిల్ సుంకర అత్యున్నత నిర్మాణ విలువలతో ఈ చిత్రాన్ని నిర్మించారు. ప్రస్తుత ట్రెండ్ చూస్తుంటే, ఈ సినిమా శర్వానంద్ కెరీర్లోనే అత్యధిక వసూళ్లు రాబట్టిన చిత్రంగా నిలవడం ఖాయమని సినీ విశ్లేషకులు చెబుతున్నారు. మొత్తానికి సంక్రాంతి అంటేనే సరదా అని, ఆ సరదాను ‘నారి నారి నడుమ మురారి’ వంద శాతం అందించిందని ప్రేక్షకులు సంతోషం వ్యక్తం చేస్తున్నారు.
