వర్క్‌ మోడ్‌లో రెబల్‌స్టార్‌

ప్రస్తుతం ప్రభాస్‌ వర్క్‌ మోడ్‌లో ఉన్నారు. రీసెంట్‌గా ‘స్పిరిట్‌' సినిమా స్క్రిప్ట్‌ డిస్కషన్‌లో పాల్గొన్న ఆయన, ఈ వారంలోనే ‘ది రాజా సాబ్‌'లోని తన పాత్రకు డబ్బింగ్‌ చెప్పనున్నారు. ఇది పాన్‌ ఇండియా సినిమా కావడంతో హిందీ వెర్షన్‌కి కూడా ప్రభాసే డబ్బింగ్‌ చెప్పనున్నారట.

ప్రస్తుతం ప్రభాస్‌ వర్క్‌ మోడ్‌లో ఉన్నారు. రీసెంట్‌గా ‘స్పిరిట్‌’ సినిమా స్క్రిప్ట్‌ డిస్కషన్‌లో పాల్గొన్న ఆయన, ఈ వారంలోనే ‘ది రాజా సాబ్‌’లోని తన పాత్రకు డబ్బింగ్‌ చెప్పనున్నారు. ఇది పాన్‌ ఇండియా సినిమా కావడంతో హిందీ వెర్షన్‌కి కూడా ప్రభాసే డబ్బింగ్‌ చెప్పనున్నారట. ప్రస్తుతం ఓ వైపు షూటింగ్‌తో మరో వైపు పోస్ట్‌ ప్రొడక్షన్‌ వర్క్‌తో ‘ది రాజాసాబ్‌’ యూనిట్‌ బిజీగా ఉంది. త్వరలోనే ప్రమోషన్స్‌ కూడా స్టార్ట్‌ చేస్తారట.

ఇదిలావుంటే ప్రభాస్‌ నటిస్తున్న మరో పాన్‌ ఇండియా ప్రాజెక్ట్‌ ‘స్పిరిట్‌’ సినిమా విషయంలో ఓ ఆసక్తికరమైన అప్‌డేట్‌ వెలుగు చూసింది. పవర్‌ఫుల్‌ కాప్‌ స్టోరీగా రూపొందుతోన్న ఈ చిత్రంలో ఓ క్రేజీ ఫ్లాష్‌బ్యాక్‌ కూడా ఉంటుందట. సినిమా సెకండాఫ్‌లో వచ్చే ఈ ఫ్లాష్‌బ్యాక్‌లో ప్రభాస్‌ పాత్ర మాఫియా నేపథ్యంలో సాగుతుందని తెలుస్తున్నది. ఈ స్క్రిప్ట్‌ విషయంలో ప్రభాస్‌ ఫుల్‌ ఖుషీగా ఉన్నారట. త్వరలోనే ‘స్పిరిట్‌’ షూటింగ్‌ను మొదలుపెట్టనున్నారు దర్శకుడు సందీప్‌రెడ్డి వంగా. ఇందులో కథానాయికగా త్రిప్తి డిమ్రీ ఎంపికైక విషయం విదితమే. వచ్చే ఏడాది ఈ సినిమా విడుదల అవుతుంది.