రాజకీయ వ్యంగ్య చిత్రం

సంపూర్ణేష్‌బాబు, వీకే నరేష్‌, శరణ్యప్రదీప్‌ ప్రధాన పాత్రల్లో నటించిన చిత్రం ‘మార్టిన్‌ లూథర్‌ కింగ్‌'. పూజ కొల్లూరు దర్శకత్వం వహించారు. మహాయాన మోషన్‌ పిక్చర్స్‌ పతాకంపై ఎస్‌.శశికాంత్‌, చక్రవర్తి రామచంద్ర నిర్మించారు. ఈ నెల 27న విడుదల కానుంది.

సంపూర్ణేష్‌బాబు, వీకే నరేష్‌, శరణ్యప్రదీప్‌ ప్రధాన పాత్రల్లో నటించిన చిత్రం ‘మార్టిన్‌ లూథర్‌ కింగ్‌’. పూజ కొల్లూరు దర్శకత్వం వహించారు. మహాయాన మోషన్‌ పిక్చర్స్‌ పతాకంపై ఎస్‌.శశికాంత్‌, చక్రవర్తి రామచంద్ర నిర్మించారు. ఈ నెల 27న విడుదల కానుంది. ‘వినోదప్రధానంగా రూపొందించిన రాజకీయ వ్యంగ్య చిత్రమిది. చెప్పులు కుట్టుకొని జీవితాన్ని సాగించే ఓ వ్యక్తికి సంబంధించిన ఓటు ఎన్నికల సమయంలో ఇద్దరి ప్రత్యర్థుల భవితవ్యాన్ని నిర్ణయించేదిగా మారుతుంది.

ఈ క్రమంలో అతని జీవితం ఎలాంటి మలుపులు తిరిగిందన్నదే చిత్ర కథాంశం. సంపూర్ణేష్‌ బాబు పాత్ర చిత్రణ కొత్త పంథాలో సాగుతుంది. ఇప్పటికే ఉభయ తెలుగు రాష్ర్టాల్లో ప్రదర్శించిన ప్రీమియర్‌ షోలకు మంచి స్పందన లభిస్తున్నది’ అని చిత్రబృందం పేర్కొంది. ఈ చిత్రానికి కెమెరా: దీపక్‌ యురగెరా, సంగీతం: స్మరణ్‌సాయి, కథ: మడోన్‌ అశ్విన్‌, క్రియేటివ్‌ ప్రొడ్యూసర్‌, స్క్రీన్‌ప్లే, సంభాషణలు: వెంకటేష్‌ మహా, దర్శకత్వం: పూజ కొల్లూరు.