ఉ అంటావా.. ఊ అంటావా.. పుష్ప‌లో స‌మంత సాంగ్ వ‌చ్చేది ఎప్పుడంటే..

December 8, 2021 / 09:17 PM IST

Samantha special song in pushpa Oo Antava OoOo Antava | అల వైకుఠ‌పురంలో లాంటి ఇండస్ట్రీ హిట్ తర్వాత ఐకాన్ స్టార్ అల్లు అర్జున్ హీరోగా.. రంగస్థ‌లం‌ లాంటి ఇండస్ట్రీ హిట్ తర్వాత క్రియేటివ్ డైరెక్టర్ సుకుమార్ ద‌ర్శ‌క‌త్వంలో తెరకెక్కుతున్న సినిమా పుష్ప. ఆర్య‌, ఆర్య‌ 2 సినిమాల తర్వాత హ్యాట్రిక్ చిత్రంగా పుష్ప సినిమా వస్తుంది. ఈ సినిమాను రెండు భాగాలుగా తెరకెక్కిస్తున్నారు సుకుమార్. ఇందులో మొదటి భాగం పుష్ప: ది రైజ్ క్రిస్మస్ కానుకగా డిసెంబర్ 17న విడుదల కానుంది. ఈ క్ర‌మంలో ఇప్ప‌టికే విడుద‌లైన దాక్కో దాక్కో మేక‌, శ్రీవ‌ల్లి.. సామి సామి, ఏ బిడ్డా వంటి పాట‌లు సూప‌ర్ హిట్ అయ్యాయి. ఇప్పుడు ఈ సినిమా నుంచి ఐదో పాట రాబోతోంది. స‌మంత చేసిన ఈ స్పెష‌ల్ సాంగ్‌కు సంబంధించి చిత్ర యూనిట్ అప్‌డేట్ ఇచ్చింది. డిసెంబ‌ర్ 10న ఈ సాంగ్‌ను విడుద‌ల చేయ‌బోతున్న‌ట్లు ప్ర‌క‌టించింది. ఈ మేర‌కు సాంగ్‌కు సంబంధించిన పోస్ట‌ర్‌ను విడుద‌ల చేసింది.

పుష్ప సినిమాలోని ఈ స్పెష‌ల్ సాంగ్ కోసం దేవిశ్రీ ప్రసాద్ అద్భుతమైన ట్యూన్ ఇచ్చిన‌ట్లు చిత్ర‌బృందం చెబుతోంది. ఈ మ్యూజిక్‌కి బ‌న్నీతో స‌మంత ఇర‌గ‌దీసే స్టెప్పులేసింద‌ని స‌మాచారం. ఈ పాట‌ ఉ అంటావా.. ఊ అంటావా.. ( Oo Antava OoOo Antava అనే చరణంతో మొదలవుతుందని తెలుస్తోంది. ఇప్ప‌టివ‌ర‌కు కెరీర్‌లో ఒక్క‌సారి కూడా ఐటెం సాంగ్స్ చేయ‌లేదు. కానీ మొద‌టిసారిగా బ‌న్నీ కోసం స‌మంత ఈ సాంగ్‌లో స్టెప్పులేసింది. దీంతో పుష్ప సినిమాకు స‌మంత‌, ఈ స్పెష‌ల్ సాంగ్ మ‌రింత స్పెష‌ల్‌గా మారింది. కేవలం ఐదు రోజులు మాత్రమే షూటింగ్ చేసిన‌ ఈ పాట కోసం స‌మంత‌ ఏకంగా కోటి 30 లక్షల కోట్లు రెమ్యునరేషన్ అందుకున్న‌ట్లు సోష‌ల్ మీడియాలో వార్త‌లు వినిపిస్తున్నాయి. మొత్తానికి డిసెంబ‌ర్ 10న విడుద‌ల కానున్న సమంత ఐటం సాంగ్ ఎలా ఉండబోతుందో..?

లోక‌ల్ టు గ్లోబ‌ల్ వార్త‌ల కోసం.. న‌మ‌స్తే తెలంగాణ ఫేస్‌బుక్‌, ట్విట‌ర్ పేజీల‌ను ఫాలో అవ్వండి