నానితో మూడోసారి జోడీ క‌డుతున్న స‌మంత‌.. అలాంటి పాత్ర‌లో..

October 31, 2021 / 06:51 PM IST

samanhta and nani | నాగ చైత‌న్య‌తో విడాకుల త‌ర్వాత స‌మంత ఏం చేస్తుంద‌నేది ఇప్పుడు అంద‌రూ ఆస‌క్తిగా గ‌మ‌నిస్తున్నారు. విడాకుల త‌ర్వాత ఆమె కెరీర్ ఎలా ఉండ‌బోతోంద‌న‌ని ఆలోచిస్తున్నారు. అస‌లు ఆమెకు అవ‌కాశాలు వస్తాయా? రావా? అని కూడా చాలామంది సందేహిస్తున్నారు. కానీ ఇలాంటి స‌మయంలో ఆమె వ‌రుస‌గా సినిమాలు ఒప్పుకుంటుంది. ఇప్ప‌టికే శాకుంత‌లం సినిమా షూటింగ్ పూర్తి చేసుకున్న స‌మంత‌.. విడాకుల త‌ర్వాత రెండు సినిమాల‌ను ఓకే చెప్పింది. ఇప్పుడు మూడో సినిమా కూడా ఒప్పుకున్న‌ట్లు వార్త‌లు వ‌స్తున్నాయి. అది కూడా నేచుర‌ల్ స్టార్ నానితో ఆమె జోడీ క‌ట్ట‌బోతున్న‌ట్లు తెలుస్తోంది.

విడాకుల త‌ర్వాత స‌మంత.. రెండు ప్రాజెక్టుల‌ను ఒప్పుకుంది. డ్రీమ్ వారియ‌ర్ పిక్చ‌ర్ బ్యాన‌ర్‌లో ఒక త‌మిళ సినిమా చేయ‌బోతుంది. దీంతో పాటు తెలుగులో శ్రీదేవి మూవీస్ బ్యాన‌ర్‌లో మ‌రో సినిమాకు స‌మంత గ్రీన్ సిగ్న‌ల్ ఇచ్చింది. ఇప్పుడు నానితో ద‌స‌రా సినిమాకు ఓకే చెప్పిన‌ట్లు వార్తలు వ‌స్తున్నాయి. శ్యామ్ సింగ‌రాయ సినిమా షూటింగ్ పూర్తి చేసుకున్న నాని ప్ర‌స్తుతం.. అంటే సుంద‌రానికి సినిమాతో బిజీగా ఉన్నాడు. దీంతో పాటు ద‌స‌రా అనే మ‌రో సినిమాలో కూడా న‌టిస్తున్నాడు. ఈ సినిమాలో ఇప్ప‌టికే కీర్తి సురేశ్ ( Keerthy suresh ) ఒక హీరోయిన్‌గా ఎంపికైంది. ఇందులో రెండో హీరోయిన్‌కు కూడా అవ‌కాశం ఉంది. ఆ పాత్ర కోసం అక్కినేని మాజీ కోడ‌లు స‌మంత‌ను ఎంపిక చేసిన‌ట్లు స‌మాచారం.

ద‌స‌రా సినిమాలో నాని తెలంగాణ యువ‌కుడిగా క‌నిపించ‌బోతున్నాడు. సింగ‌రేణి నేప‌థ్యంలో ఈ సినిమా ఉండ‌బోతోంది. చెరుకూరి నిర్మిస్తున్న ఈ సినిమా ద్వారా శ్రీకాంత్ ఓదెల ద‌ర్శ‌కుడిగా ప‌రిచ‌యం అవుతున్నాడు. ఈ చిత్రానికి సంబంధించి ఇటీవ‌ల విడుద‌లైన టీజ‌ర్ ఆక‌ట్టుకుంటుంది. ఈ టీజ‌ర్‌లో తెలంగాణ యాష‌లో మాట్లాడి నాని అద‌ర‌గొట్టాడు. గ‌తంలో రాయ‌ల‌సీమ యాష‌లో మాట్లాడి మెప్పించిన సంగ‌తి తెలిసిందే. ఇప్పుడు తెలంగాణ యాష‌లో మాట్లాడేందుకు నాని ప్ర‌త్యేకంగా శిక్ష‌ణ కూడా తీసుకున్న‌ట్లు తెలుస్తోంది. ద‌స‌రా సినిమాలో ఇప్ప‌టికే ఒక హీరోయిన్‌గా కీర్తి సురేశ్‌ను ఎంపిక చేశారు. కాగా ఈ సినిమాలో రెండో హీరోయిన్ కూడా ఉంటుంది. ఈ పాత్ర కోసం ఇప్ప‌టికే ద‌ర్శ‌క నిర్మాత‌లు స‌మంత‌ను క‌లిశారంట‌. ఇప్ప‌టికే నాని, స‌మంత క‌లిసి ఎటో వెళ్లిపోయింది మ‌న‌సు, ఈగ సినిమాల్లో న‌టించారు. ఈ సినిమాల్లో వీళ్ల కెమిస్ట్రీకి మంచి రెస్పాన్స్ వ‌చ్చింది. దీంతో ద‌స‌రా సినిమాలో రెండో హీరోయిన్ అవ‌కాశం కోసం స‌మంత‌ను ద‌ర్శ‌క నిర్మాత‌లు సంప్ర‌దించారంట. దీనికి స‌మంత కూడా ఓకే చెప్పిన‌ట్లు తెలుస్తోంది.

లోక‌ల్ టు గ్లోబ‌ల్ వార్త‌ల కోసం.. న‌మ‌స్తే తెలంగాణ ఫేస్‌బుక్‌, ట్విట‌ర్ పేజీల‌ను ఫాలో అవ్వండి