Samantha Akkineni | స‌మంతకు ఆ పాత్ర చేయ‌డం చాలా క‌ష్ట‌మట‌..!

టాలీవుడ్ (Tollywood) హీరోయిన్ స‌మంత (Samantha Akkineni) త‌న‌ కెరీర్ లో గ్లామ‌ర్ తోపాటు డీగ్లామ‌రైజ్ పాత్ర‌ల్లో న‌టించింది. మ‌రోవైపు యూట‌ర్న్‌, ఓ బేబి, ది ఫ్యామిలీ ఫ్యాన్ మ్యాన్ 2 లాంటి విభిన్న జోన‌ర్ల‌లో సినిమాలు చేసింది.

September 21, 2021 / 06:05 PM IST

Samantha Akkineni | స‌మంతకు ఆ పాత్ర చేయ‌డం చాలా క‌ష్ట‌మట‌..!

టాలీవుడ్ (Tollywood) హీరోయిన్ స‌మంత (Samantha Akkineni) త‌న‌ కెరీర్ లో గ్లామ‌ర్ తోపాటు డీగ్లామ‌రైజ్ పాత్ర‌ల్లో న‌టించింది. మ‌రోవైపు యూట‌ర్న్‌, ఓ బేబి, ది ఫ్యామిలీ ఫ్యాన్ మ్యాన్ 2 లాంటి విభిన్న జోన‌ర్ల‌లో సినిమాలు చేసింది. స‌వాలుతో కూడిన పాత్ర‌లు చేసేందుకు ఎప్పుడూ సిద్దంగా ఉంటుంద‌ని, సామ్ చేసే సినిమాలు చూస్తే అర్థ‌మ‌వుతుంది. అయితే ప్ర‌తీ యాక్ట‌ర్ కు ఏదో ఒక జోన‌ర్ లో న‌టించాలంటే కొంత క‌ష్టంగా ఉంటుంది. మ‌రి సామ్ కు క‌ష్టంగా అనిపించే కేట‌గిరి ఏంటో తెలుసా..? కామెడీ.

అవును కామెడీ (comedy) ట‌చ్ తో సినిమాలు చేయ‌డమంటే అంత సుల‌భమేమి కాదని చాలా మంది న‌టీన‌టులు అభిప్రాయ‌ప‌డుతుంటారు. బాలీవుడ్ (Bollywood) మీడియాకు ఇచ్చిన ఇంట‌ర్వ్యూలో ఈ విష‌యం చెప్పింది స‌మంత‌. ఇత‌ర జోన‌ర్ సినిమాల కంటే కామెడీ సినిమాలు చేయ‌డం త‌న‌కు చాలా క‌ష్టంగా అనిపిస్తుంద‌ని చెప్పింది. భావోద్వేగ స‌న్నివేశాల్లో న‌టించ‌డం క‌ష్ట‌మ‌ని చాలా మంది అంటుంటారు. కానీ నా విష‌యంలో మాత్రం కామెడీ జోన‌ర్ చాలా క‌ష్ట‌మైంది. ప్ర‌త్యేకించి ఫీమేల్ యాక్ట‌ర్ల కోసం కామెడీ స్క్రిప్ట్‌ రాయాలంటే చాలా చాలా క‌ష్టమైన ప‌ని అంటూ చెప్పుకొచ్చింది.

న‌టీన‌టులంద‌రికి అన్నింటి క‌న్నా ముఖ్య‌మైంది హాస్యాన్ని పండించే టైమింగ్. సీన్ తీసే స‌మ‌యంలో స‌రైన హావ‌భావాలు చూపించ‌క‌పోతే, ఆ హాస్య స‌న్నివేశం పండ‌టం క‌ష్టమ‌ని, కామెడీ చేయ‌డం సాధ్యం కాదని పేర్కొంది స‌మంత‌. ఈ భామ ప్ర‌స్తుతం విఘ్నేశ్ శివ‌న్ ద‌ర్శ‌క‌త్వం వ‌హిస్తున్న కామెడీ ఎంట‌ర్ టైన‌ర్ కాతు వాకుల రెండు కాధ‌ల్ (Kaathu Vaakula Rendu Kaadhal) లో న‌టిస్తోంది. న‌య‌న‌తార‌, విజ‌య్ సేతుప‌తి కీల‌క పాత్ర‌ల్లో న‌టిస్తున్నారు.