Sam Bahadur | ఓటీటీలోకి రాబోతున్న విక్కీ కౌశల్ ‘సామ్​ బహదూర్’.. స్ట్రీమింగ్ ఎప్పుడంటే.?

Vicky Kaushal | బాలీవుడ్ న‌టుడు విక్కీ కౌశల్‌ (Vicky Kaushal) ప్ర‌ధాన పాత్రలో న‌టించిన తాజా చిత్రం ‘సామ్​ బహదూర్’ (Sam Bahadur). ఈ సినిమాకు మేఘనా గుల్జార్ (Meghana Gulzar) ద‌ర్శక‌త్వం వ‌హించ‌గా.. రోనీస్క్రూవాలా నిర్మించాడు. సర్దార్ ఉద్దమ్ వంటి బ్ల‌క్ బ‌స్ట‌ర్ సినిమా తర్వాత మరో బయోపిక్ సినిమాతో విక్కీ ప్రేక్ష‌కుల ముందుకురాగా డిసెంబ‌ర్ 01న విడుద‌లై మంచి విజ‌యం అందుకుంది.

Vicky Kaushal | బాలీవుడ్ న‌టుడు విక్కీ కౌశల్‌ (Vicky Kaushal) ప్ర‌ధాన పాత్రలో న‌టించిన తాజా చిత్రం ‘సామ్​ బహదూర్’ (Sam Bahadur). ఈ సినిమాకు మేఘనా గుల్జార్ (Meghana Gulzar) ద‌ర్శక‌త్వం వ‌హించ‌గా.. రోనీస్క్రూవాలా నిర్మించాడు. సర్దార్ ఉద్దమ్ వంటి బ్ల‌క్ బ‌స్ట‌ర్ సినిమా తర్వాత మరో బయోపిక్ సినిమాతో విక్కీ ప్రేక్ష‌కుల ముందుకురాగా డిసెంబ‌ర్ 01న విడుద‌లై మంచి విజ‌యం అందుకుంది. వ‌ర‌ల్డ్ వైడ్‌గా దాదాపు రూ.130 కోట్ల వ‌ర‌కు క‌లెక్ష‌న్లు రాబ‌ట్టింది. ఇక థియేట‌ర్ ప్రేక్ష‌కుల‌ను అలరించిన ఈ చిత్రం తాజాగా ఓటీటీ లాక్ చేసుకుంది.

రిప‌బ్లిక్ డే కానుక‌గా ప్ర‌ముఖ ఓటీటీ ప్లాట్‌ఫామ్ జీ5లో ఈ సినిమా జ‌న‌వ‌రి 26 నుంచి స్ట్రీమింగ్ కానుంది. ఈ విష‌యాన్ని జీ5 ఎక్స్‌లో ప్ర‌క‌టించింది. 1971 ఇండో-పాక్ యుద్ధంలో భారత ఆర్మీ చీఫ్‌గా ఉండి దేశం కోసం తన జీవితాన్ని త్యాగం చేసిన సామ్ మానెక్ షా(Sam Manek Shah) జీవితం ఆధారంగా ఈ మూవీ వ‌చ్చింది. ఇక సామ్​మానెక్షా పాత్ర‌లో విక్కీ కౌశల్ న‌టిస్తుండ‌గా.. ఇందిరా గాంధీ పాత్రలో సనా ఫాతిమా షేక్ (Sana Fatima Sheikh)​ నటించింది. ఇక విక్కీ కౌశల్ భార్య పాత్రలో సన్యా మల్హోత్రా నటిస్తుంది.

A visionary leader, legend, and a true hero – Sam is all set to command your screens!#SamBahadur premieres 26th Jan on #ZEE5#SamBahadurOnZEE5 pic.twitter.com/PC0WU1tSKT

— ZEE5 (@ZEE5India) January 22, 2024

ఫీల్డ్ మార్షల్ సామ్ జంషద్ జీ మానెక్ షా ఇండియన్ ఆర్మీని నాలుగు దశాబ్దాల పాటు ముందుండి నడిపించాడు. బ్రిటిష్ ఇండియన్ ఆర్మీ నుంచి సైన్యంలోనే ఉన్న ‘మానెక్ షా’, 1971లో ఇండియా పాకిస్తాన్ మధ్య జరిగిన యుద్ధంలో ఇండియాని గెలిపించడంలో కీల‌క‌ పాత్ర పోషించారు. ఇక ‘సామ్ బహదూర్’ని ఇండియన్ గవర్నమెంట్ ‘పద్మ భూషణ్’, ‘పద్మ విభూషణ్’ పురస్కారాలతో సత్కరించింది. 1934 నుంచి 1973 వరకూ ఆర్మీలో త‌న సేవ‌లు అందించిన‌ ‘సామ్ బహదూర్’ 2008 జూన్ 27న మరణించారు.