Visit:
Salman Khan | సుదీర్ఘ విరామం తర్వాత బాలీవుడ్‌ అగ్ర హీరోలు సల్మాన్‌ఖాన్‌, సంజయ్‌దత్‌ కలిసి వెండితెరపై సందడి చేయనున్నారు. ఒక హాలీవుడ్‌ ప్రాజెక్ట్‌ కోసం ఈ బాలీవుడ్‌ స్టార్స్‌ ఇద్దరూ ముందుకొచ్చారు. హాలీవుడ్‌ యాక్షన్‌ థ్రిల్లర్‌గా తెరకెక్కిస్తున్న ఈ మూవీలో సల్మాన్‌, సంజయ్‌ అతిథి పాత్రల్లో మెరవనున్నారు. సౌదీ అరేబియాలో జరుగుతున్న ఈ సినిమా షూటింగ్‌లో ఈ హీరోలిద్దరూ జాయిన్‌ అయ్యారు. ఈ నెలాఖరు వరకు ఈ షూటింగ్‌ జరుగుతుందని తెలిసింది. భద్రతా కారణాల రీత్యా ఈ సినిమాకు సంబంధించిన విశేషాలను వెల్లడించలేమని నిర్మాతలు తెలిపారు.
మిడిల్‌ ఈస్ట్‌లో జరిగే అమెరికన్‌ థ్రిల్లర్‌ కథాంశమిదని, అక్కడ సల్మాన్‌ఖాన్‌, సంజయ్‌దత్‌లకు ఉన్న ఫాలోయింగ్‌ దృష్ట్యా వారిద్దరిని కీలకమైన అతిథి పాత్రల్లో ఎంపిక చేశారని తెలిసింది. సల్మాన్‌ఖాన్‌, సంజయ్‌దత్‌ కలిసి గతంలో ‘సాజన్‌’ ‘ఛల్‌ మేరే భాయ్‌’ ‘యే హై జల్వా’ అనే చిత్రాల్లో నటించారు. గత ఏడాది ‘ఓల్డ్‌ మనీ’ అనే ఓ పాటలో కూడా వీరిద్దరూ కలిసి కనిపించారు. సల్మాన్‌ఖాన్‌ త్వరలో ‘సికందర్‌’ చిత్రంతో ప్రేక్షకుల ముందుకురానున్నారు.
