Salaar Movie | ఊహకందని రేంజ్‌లో సలార్‌ బిజినెస్‌.. ఒక్క నైజాం హక్కులే అన్ని కోట్లా?

Salaar Movie Business | సలార్‌పై ప్రభాస్‌ ఫ్యాన్స్‌లో మాములు అంచనాల్లేవు. పక్కా రికార్డులు కొల్లగొతుందని ధీమాగా ఉన్నారు. ఇప్పటికే రిలీజైన టీజర్‌కు తిరుగులేని రెస్పాన్స్‌ వచ్చింది. ప్రభాస్ ఫ్యాన్స్ కు ఆదిపురుష్ చేసిన గాయానికి అసలు సిసలైన మందు సలారే అని ఫ్యాన్స్‌ బల్ల గుద్ది చెబుతున్నారు.

Salaar Movie Business | సలార్‌పై ప్రభాస్‌ ఫ్యాన్స్‌లో మాములు అంచనాల్లేవు. పక్కా రికార్డులు కొల్లగొతుందని ధీమాగా ఉన్నారు. ఇప్పటికే రిలీజైన టీజర్‌కు తిరుగులేని రెస్పాన్స్‌ వచ్చింది. ప్రభాస్ ఫ్యాన్స్ కు ఆదిపురుష్ చేసిన గాయానికి అసలు సిసలైన మందు సలారే అని ఫ్యాన్స్‌ బల్ల గుద్ది చెబుతున్నారు. కోడికూత వినకముందే టీజర్‌ రూపంలో సలార్‌ ఊచకోతను చూపించి ప్రభాస్‌ అభిమానులను ఆనందపు అంచుల్లో నిలబెట్టాడు ప్రశాంత్‌ నీల్‌. జురాసిక్‌ పార్కులో డైనోసర్‌ ముందు ఏదైనా దిగదుడుపే అన్న రేంజ్‌లో ప్రభాస్‌కు ఎలివేషన్‌ ఇవ్వడం వేరే లెవల్‌. ఒక్క టీజర్‌తో యావత్‌ సినీ అభిమానుల్లో తిరుగులేని అంచనాలు క్రియేట్‌ అయ్యాయి. ఇక వచ్చే నెలలో ట్రైలర్ కూడా రిలీజ్ కాబోతుందని అప్పుడే ప్రకటన కూడా ఇచ్చేశారు. ఇక ఇప్పటికే యూఎస్‌లో బుకింగ్స్‌ స్టార్ట్‌ అవగా హాట్ కేకుల్లా టిక్కెట్లు అమ్ముడవుతున్నాయి.

ఇదిలా ఉంటే తాజాగా ఈ సినిమా నైజాం హక్కులకు సంబంధించిన ఓ వార్త నెట్టింట తెగ వైరల్ అవుతుంది. ఈ సినిమా హక్కులను దిల్‌రాజు దక్కించుకున్నట్లు తెలుస్తుంది. కాగా ఒక్క నైజాం ఏరియాకే దాదాపు రూ.80 కోట్ల డీల్‌ కుదరించుకున్నట్లు తెలుస్తుంది. కాగా అందులో రూ.65 కోట్లు నాన్‌ రిఫండెబుల్‌. రూ.15 కోట్ల రిఫండెబుల్‌ పద్దతిలో డీల్ కుదరించుకున్నారట. అంటే సలార్‌ సినిమా నైజాంలో రూ.80 కోట్లు కలెక్ట్ చేయకపోతే హోంబలే సంస్థ రిటర్న్ రూపంలో దిల్‌రాజుకు రూ.15 కోట్లు చెల్లించేలా డీల్ కుదిరించుకున్నట్లు టాక్. ఇందులో నిజమెంతుందో తెలియదు కానీ.. ఒక్క నైజాంలోనే ఈ రేటుకు రేటు పలికాయంటే మాములు విషయం కాదు.

రెండు భాగాలుగా తెరకెక్కుతున్న సలార్ సినిమా ఫస్ట్ పార్ట్ సెప్టెంబర్ 28న ప్రేక్షకుల ముందుకు రానుంది. సలార్‌ సినిమాను ఇంగ్లీష్‌ భాషలోనూ రిలీజ్‌ చేసేలా గట్టి ప్రయత్నాలే చేస్తుందట హోంబలే సంస్థ. అంతేకాకుండా విెదేశాల్లో పెద్ద ఎత్తున ఈ సినిమా రిలీజ్‌ను ప్లాన్‌ చేస్తున్నారట. ప్రశాంత్‌ నీల్‌ దర్శకత్వం వహించిన ఈ సినిమా ప్రస్తుతం ప్యాచ్‌ వర్క్‌ను పూర్తి చేసుకుంటుంది. బిగ్గెస్ట్ యాక్షన్ ఎంటర్టైనర్ గా తెరకెక్కిన ఈ సినిమాలో ప్రభాస్ కు జోడీగా శృతిహాసన్ నటిస్తుంది. మలయాళ నటుడు పృథ్విరాజ్ సుకుమారన్ ప్రతినాయకుడిగా కనిపించబోతున్నాడు.