Sai dharam Tej | ఆసక్తి రేకెత్తిస్తున్న సాయిధరమ్‌ తేజ్‌ SDT15 మూవీ గ్లింప్స్‌..!

రోడ్డు ప్రమాదం నుండి కోలుకున్న తర్వాత సాయిధరమ్‌ తేజ్ రెట్టింపు ఉత్సాహంతో సినిమాలు చేస్తున్నాడు. ఇటీవలే ఈయన నటించిన 'రిపబ్లిక్‌' మూవీ రిలీజై కమర్షియల్‌ ఫేయిల్యూర్‌గా మిగిలింది. ప్రస్తుతం ఈయన కార్తిక్‌ దండు అనే కొత్త దర్శకుడితో ఓ మిస్టరీ థ్రిల్లర్‌ చేస్తున్నాడు.

SDT15 Glimps | రోడ్డు ప్రమాదం నుండి కోలుకున్న తర్వాత సాయిధరమ్‌ తేజ్ రెట్టింపు ఉత్సాహంతో సినిమాలు చేస్తున్నాడు. ఇటీవలే ఈయన నటించిన ‘రిపబ్లిక్‌’ మూవీ రిలీజై కమర్షియల్‌ ఫేయిల్యూర్‌గా మిగిలింది. ప్రస్తుతం ఈయన కార్తిక్‌ దండు అనే కొత్త దర్శకుడితో ఓ మిస్టరీ థ్రిల్లర్‌ చేస్తున్నాడు. ప్రస్తుతం ఈ సినిమా షూటింగ్‌ శరవేగంగా జరుగుతుంది. ఇక ఇప్పటికే చిత్రం నుండి రిలీజైన ప్రీలుక్‌ పోస్టర్‌లు సినిమాపై విపరీతమైన అంచనాలు నెలకొల్పాయి. తాజాగా మేకర్స్‌ ఈ సినిమా గ్లింప్స్‌ను రిలీజ్‌ చేశారు. ఈ గ్లింప్స్‌కు తారక్‌ వాయిస్‌ ఓవర్ అందించడం విశేషం.

అజ్ఞానం భయానికి మూలం, భయం మూఢ నమ్మకానికి కారణం. ఆ నమ్మకమే నిజమైనప్పుడు, ఆ నిజం జ్ఞానానికి అంతుచిక్కనప్పుడు అసలు నిజాన్ని చూపించే మరో నేత్రం అంటూ ఎన్టీఆర్‌ వాయిస్‌ ఓవర్‌తో ప్రారంభమైన గ్లింప్స్‌ గూస్‌బంప్స్‌ తెప్పిస్తుంది. అజనీష్‌ లోక్‌నాథ్‌ నేపథ్య సంగీతం థ్రిల్‌ ఫీల్‌ను కలిగిస్తుంది. గ్లింప్స్‌తోనే సినిమాపై విపరీతమైన అంచనాలు క్రియేట్‌ అయ్యాయి. ఈ సినిమాకు విరూపాక్ష అనే టైటిల్‌ని ఫిక్స్ చేసినట్లు గ్లింప్స్‌లో తెలిపారు. ఈ చిత్రాన్ని తెలుగుతో పాటు హిందీ, తమిళ, మలయాళ, కన్నడ భాషల్లో వచ్చే ఏడాది ఏప్రిల్‌ 21న విడుదల కానుంది.

మిస్టరీ థ్రిల్లర్‌ నేపథ్యంలో తెరకెక్కిన ఈ చిత్రానికి కథ, స్క్రీన్‌ప్లే అందించడంతో పాటు సహా నిర్మాతగా వ్యవహరిస్తున్నాడు. ఒక ఊరిని వరుస చావులు వెంబటిస్తుంటాయి. ఆ చావులకు గల కారణాలు ఏంటీ అని తెలుసుకోవాడానికి హీరో ఆ ఊరికి వెళ్తాడు. అయితే అక్కడ ఆ హీరోకు ఎలాంటి పరిస్థతులు ఎదురయ్యాయి. అసలు ఆ చావుల వెనక ఉన్న మిస్టరీ ఎంటీ అనే నేపథ్యంలో ఈ సినిమా తెరకెక్కినట్లు టాక్‌. ఈ చిత్రంలో బ్లాక్‌ మేజిక్‌ వంటి అంశాలను టచ్‌ చేశారట‌. శ్రీ వెంకటేశ్వరా సినీ చిత్ర బ్యానర్‌పై బీవీఎస్‌ఎన్‌ ప్రసాద్‌ ఈ సినిమాను నిర్మిస్తున్నాడు. సాయి ధరమ్‌కు జోడీగా సంయుక్త హెగ్డే నటిస్తుంది.