Sai Dharam Tej | బ్యాక్ టు వ‌ర్క్ అంటున్న ‘సుప్రీమ్’ హీరో

చాలా గ్యాప్ త‌ర్వాత మ‌ళ్లీ మునుప‌టి ఎన‌ర్జీతో సెట్స్ రీ ఎంట్రీ ఇవ్వ‌బోతున్నాడు సాయిధ‌ర‌మ్ తేజ్‌. భ‌మ్ భోలేనాథ్ ఫేం కార్తీక్ దండు (Karthik Dandu) డైరెక్ట్ చేస్తున్న మిస్ట‌రీ థ్రిల్ల‌ర్ (mystery thriller) షూటింగ్ షురూ చేయ‌నున్నాడు.

రోడ్డు ప్ర‌మాదంలో గాయ‌ప‌డ్డ సాయిధ‌ర‌మ్ తేజ్ (Sai Dharam Tej) పూర్తిగా కోలుకున్న సంగతి తెలిసిందే. చాలా గ్యాప్ త‌ర్వాత మ‌ళ్లీ మునుప‌టి ఎన‌ర్జీతో సెట్స్ రీ ఎంట్రీ ఇవ్వ‌బోతున్నాడు సాయిధ‌ర‌మ్ తేజ్‌. ఈ సుప్రీమ్ హీరో జాయిన్ కాబోతున్న ఆ సినిమా ఏంట‌నే క‌దా మీ డౌటు. భ‌మ్ భోలేనాథ్ ఫేం కార్తీక్ దండు (Karthik Dandu) డైరెక్ట్ చేస్తున్న మిస్ట‌రీ థ్రిల్ల‌ర్ (mystery thriller) షూటింగ్ షురూ చేయ‌నున్నాడు.

ఈ సినిమా చిత్రీక‌ర‌ణ గ‌తంలోనే మొద‌లు కావాల్సి ఉండ‌గా..కోవిడ్ సంక్షోభం, రోడ్డు ప్ర‌మాదం లాంటి కార‌ణాల‌తో ఆల‌స్యమ‌వుతూ వ‌చ్చింది.ఫైన‌ల్‌గా ఈ చిత్రాన్ని సెట్స్ పైకి తీసుకెళ్లేందుకు రెడీ అయింది సాయిధర‌మ్ టీం. ఆస‌క్తిక‌ర విష‌య‌మేంటంటే ఈ చిత్రానికి సుకుమార్ స్క్రీన్ ప్లే అందిస్తుండ‌టం. సుకుమార్ రైటింగ్స్ (Sukumar Writings), బీవీఎస్ఎన్ ప్ర‌సాద్ సంయుక్తంగా నిర్మించ‌బోతున్న ఈ చిత్రం షూటింగ్ ఏప్రిల్ నుంచి మొద‌లు కానుంది.

సాయిధ‌ర‌మ్ తేజ్ న‌టించిన రిప‌బ్లిక్ చిత్రం బాక్సాపీస్ వ‌ద్ద ఆశించిన స్థాయిలో స‌క్సెస్ అందుకోలేక‌పోయింది. కొంత‌కాలంగా స‌రైన హిట్స్ లేని సాయిధ‌ర‌మ్‌కు ఈ సినిమాతో మంచి హిట్టు రావాల‌ని విష్ చేస్తున్నారు అభిమానులు.

దీంతోపాటు స‌ముద్ర‌ఖ‌ని డైరెక్ష‌న్‌లో ప‌వ‌న్ క‌ల్యాణ్ న‌టించ‌బోతున్న మ‌ల్టీస్టారర్ ప్రాజెక్టులో సాయిధ‌ర‌మ్ తేజ్ కీల‌క పాత్ర‌లో క‌నిపించ‌బోతున్నాడు. పీపుల్ మీడియా ఫ్యాక్ట‌రీ, ప‌వ‌న్ క‌ల్యాన్ క్రియేటివ్ వ‌ర్క్స్ సంయుక్తంగా ఈ చిత్రాన్నినిర్మించ‌నున్నాయి.