మాస్ మహరాజా రవితేజ మంచి జోరు మీదున్నాడు. ఈ ఏడాది క్రాక్ అనే సినిమాతో భారీ హిట్ కొట్టిన రవితేజ ప్రస్తుతం ఖిలాడి సినిమాతో బిజీగా ఉన్నాడు. ఈ సినిమా ప్రస్తుతం షూటింగ్ జరుపుకుంటుంది. థియేటర్స్ ఓపెన్ అయ్యాక ఈ సినిమాను విడుదల చేయనున్నారు. ఇక కొత్త డైరెక్టర్ శరత్ మండవతో టాలీవుడ్ యాక్టర్ రవితేజ తన 68వ సినిమా చేయనున్న విషయం తెలిసిందే. ఈ మూవీకి సంబంధించిన క్రేజీ అప్డేట్ ఇచ్చారు మేకర్స్.
రవితేజ బ్యాక్ లుక్ విడుదల చేసి ఈ మూవీ షూటింగ్ నేటి నుండి మొదలు కానున్నట్టు తెలియజేశారు. ఇక సినిమాకు సంబంధించిన పోస్టర్ విడుదల చేయగా, ఇందులో మెజిస్ట్రేట్ కార్యాలయం అందులో పని చేసే ఉద్యోగిగా రవితేజ కనిపిస్తున్నారు.ఈ సినిమాకు ‘ఎమ్మార్వో’ అనే టైటిల్ ను పరిశీలనలో వుందని తెలుస్తోంది. ఈ సినిమాలో రవితేజ ఎమ్మార్వోగా కనిపిస్తాడని, ఈ సినిమాలో కూడా ఎర్రచందనం రవాణా లాంటి వ్యవహారాలు ఉంటాయని తెలుస్తోంది.
యాక్షన్ థ్రిల్లర్ గా తెరకెక్కనున్న ఈ చిత్రంలో మజిలీ ఫేం దివ్యాంక కౌశిక్ హీరోయిన్ గా నటిస్తోంది. విరాటపర్వం చిత్రాన్ని నిర్మిస్తున్న సుధాకర్ చెరుకూరి ఈ చిత్రాన్ని తీస్తున్నారు. కోలీవుడ్ కంపోజర్ సామ్ సీఎస్ మ్యూజిక్ కంపోజ్ చేస్తున్నాడు.