రౌడీ నెపోటిజం
‘రౌడీయిజానికి నెపోటిజం అంశాన్ని జోడించి రూపొందిస్తున్న చిత్రమిది. హిట్‌, బ్లాక్‌బస్టర్‌ అనే కొలమానాలతో సంబంధం లేకుండా ఆద్యంతం నవ్విస్తుంది’ అని అన్నారు సందీప్‌కిషన్‌. ఆయన హీరోగా నటిస్తున్న తాజా చిత్రం ‘గల్లీరౌడీ’. కోన వెంకట్‌ సమర్పణలో ఎంవీవీ సత్యనారాయణ నిర్మిస్తున్నారు. జి.నాగేశ్వరరెడ్డి దర్శకుడు. నేహాశెట్టి కథానాయిక. ఈ చిత్ర ఫస్ట్‌లుక్‌ను ఆదివారం హైదరాబాద్‌లో దర్శకులు వినాయక్‌, నందినిరెడ్డి విడుదలచేశారు. వినాయక్‌ మాట్లాడుతూ ‘కొత్త పంథాలో కామెడీని పండిస్తూ నాగేశ్వరరెడ్డి చేసిన సినిమా ఇది’ తెలిపారు. అందరం ప్రేమించి ఈ సినిమా చేశామని నాగేశ్వరరెడ్డి పేర్కొన్నారు. కోన వెంకట్‌ మాట్లాడుతూ ‘కామెడీ ఎమోషన్స్‌ కలగలసిన చిత్రమిది. షూటింగ్‌ పూర్తయింది. మే 21న విడుదలచేయబోతున్నాం’ అని తెలిపారు. ‘గీతాంజలి’కి మించి ఈ సినిమా విజయాన్ని సాధిస్తుందనే నమ్మకముందని నిర్మాత ఎంవీవీ సత్యనారాయణ చెప్పారు.
ఇవి కూడా చదవండి..
ప్రేక్షకుడిగా నేను ఎంజాయ్‌చేశా
Read Today's Latest Cinema News in Telugu and Telugu News
- Follow Us :
-
