అడవి నేపథ్యంలో సాగే ప్రేమకథ

‘బబుల్‌గమ్‌' సినిమాతో మంచి ఈజ్‌ ఉన్న నటుడిగా పేరు తెచ్చుకున్న రోషన్‌ కనకాల కథానాయకుడిగా రూపొందనున్న ఫారెస్ట్‌ బ్యాక్‌డ్రాప్‌ లవ్‌స్టోరీ ‘మోగ్లీ’. ‘కలర్‌ఫొటో’ఫేం సందీప్‌ రాజ్‌ దర్శకుడు.

‘బబుల్‌గమ్‌’ సినిమాతో మంచి ఈజ్‌ ఉన్న నటుడిగా పేరు తెచ్చుకున్న రోషన్‌ కనకాల కథానాయకుడిగా రూపొందనున్న ఫారెస్ట్‌ బ్యాక్‌డ్రాప్‌ లవ్‌స్టోరీ ‘మోగ్లీ’. ‘కలర్‌ఫొటో’ఫేం సందీప్‌ రాజ్‌ దర్శకుడు. పీపుల్‌మీడియా ఫ్యాక్టరీ పతాకంపై టీజీ విశ్వప్రసాద్‌ ఈ చిత్రాన్ని నిర్మించనున్నారు. వినాయకచతుర్థి సందర్భంగా ఈ న్యూ ప్రాజెక్ట్‌ను మేకర్స్‌ అనౌన్స్‌ చేశారు.

ఈ సినిమాకోసం సందీప్‌రాజ్‌ అద్భుతమైన కథ సిద్ధం చేశారని, ‘మోగ్లీ’లో యూనిక్‌ రోల్‌లో రోషన్‌ కనిపించనున్నారని మేకర్స్‌ తెలిపారు. ఈ సందర్భంగా విడుదల చేసిన పోస్టర్‌లో.. దట్టమైన అడవి నేపథ్యంలో, ఓ చేత్తో గుర్రాన్ని పట్టుకొని.. సాలిడ్‌ ఫిజిక్‌తో, చిరునవ్వును చిందిస్తున్న రోషన్‌ ఫస్ట్‌లుక్‌ ఆకట్టుకునేలావుంది. వచ్చే ఏడాది సమ్మర్‌లో ఈ చిత్రాన్ని విడుదల చేస్తామని నిర్మాత తెలిపారు. ఈ చిత్రానికి కెమెరా: రామ మారుతి.ఎం, సంగీతం: కాలభైరవ.